2023 ވަނަ އަހަރަށް މަރުހަބާ ކިޔުމުގެގޮތުން ޚާއްސަ މިއުޒިކް ޝޯވއެއް ބޭއްވުމަށް މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްއިން ތައްޔާރުވެއްޖެއެވެ.
އައު އަހަރަށް މަރުހަބާ ކިޔުމަށް "މޯލްޑިވްސް ވާއު ފެސްޓް"ގެ ނަމުގައި ބާއްވާ މި މިއުޒިކް ޝޯވ އޮންނާނީ މިމަހުގެ 31 ވާ ހޮނިހިރު ދުވަހުގެ ރޭ ހުޅުމާލޭ ސިންތެޓިކް ޓްރެކުގައެވެ. ޝޯވ ފެށުމަށް ހަމަޖެހިފައިވަނީ އެރޭގެ 20:30 ގައެވެ.
“Maldives Wow Fest” Music Show night with @PawniAPandey & amazing Maldivian artists.
— Ministry of Youth,Sports and Community Empowerment (@MoYSCEmv) December 28, 2022
SEE YOU ALL ??
? 31st December 2022
? Hulhumale Synthetic Track
⏰ 20:30 pic.twitter.com/yemjytllUS
މި ޝޯވގައި ޕަރފޯމްކުރުމަށް ހަމަޖެހިފައިވާ ފަންނާނުންގެ ތެރޭގައި ބޮލީވުޑައި މިހާރު އަަރަމުން އަންނަ ލަވަކިޔުންތެރިޔާ ޕައުނީ ޕާންޑޭ ހިމެނެއެވެ.
ޕައުނީ އާއްމުންގެ މެދުގައި ބޮޑަށް މަޝްހޫރުވެގެންދިޔައީ 2017 ވަނަ އަހަރު ނެރުނު ޝާހްރުކް ޚާންގެ ފިލްމް "ރައީސް" އަށް އޭނާ ކިޔައިދިން "ލައިލާ މެ ލައިލާ" އިންނެވެ. މިއީ 1980 ވަނަ އަހަރު ނެރުނު ފިލްމް "ޤުރުބާނީ" ގައި ހަމަ އެނަމުގައި ހިމެނޭ ލަވައިގެ ރީމޭކެކެވެ. މި ދެ ލަވައަކީ ދިވެހިންގެ މެދުގައިވެސް މަޤުބޫލު ދެ ލަވައެވެ. އޭނާ އެންމެފަހުން ލަވައެއް ކިޔާފައިވަނީ މިދިޔަ އޯގަސްޓްމަހު ނެރުނު ފިލްމް "ލައިގާ" އަށެވެ.
މި ޝޯވގައި ޕައުނީގެ އިތުރުން ހަބޭސް ބޮޑުބެރު ގްރޫޕް، ހަބޭސް ފިއުޝަން އަދި ހަބޭސް ލެވިޓޭޝަންގެ ހިތްގައިމު ހުށަހެޅުންތަކެއް ފެނިގެންދާނެ ކަމަށް ޔޫތު މިނިސްޓްރީން ވިދާޅުވެއެވެ. އަދި ހަވާގެ ހަރަކާތްތައްވެސް ޝޯވގެ ތެރެއިން ކުރިއަށްދާނެކަމަށް އެ މިނިސްޓްރީން ވިދާޅުވެއެވެ.