ކެމްބޯޑިއާގެ ބޮޑުވަޒީރު ރާއްޖެއަށް ކުރައްވާ ރަސްމީ ދަތުރުފުޅާއި ގުޅިގެން ހުޅުލޭގެ ފަޅާއި، މަގުން ބައެއް ބަންދުވާނެ ކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޑެޓު، އެމްއޭސީއެލުން ހާމަކޮށްފިއެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ދަޢުވަތަކަށް، ކެމްބޯޑިއާގެ ބޮޑުވަޒީރު ސަމްދެކް އައްކާ މޮހަ ސެނާ ޕަޑައި ޓެކޯ ހުން ސެން ރަސްމީ ދަތުރުފުޅެއްގައި ރާއްޖެ ވަޑައިގަތުމަށް ހަމަޖެހިފައިވަނީ މާދަމާއެވެ. ތިން ދުވަހުގެ ރަސްމީ މިދަތުރުފުޅާއި ގުޅިގެން މާލެ ސަރަހައްދުގެ ބައެއް މަގުތަކުގެ ރޫޓަށް ވަނީ ބަދަލުތަކެއް ގެނެސްފައެވެ.
މަގާއި ފަޅު ބަންދުކުރާނެ ގަޑިތައް
15 ޖަނަވަރީ – ހެނދުނު 9:00 އިން 11:00 އަށް
17 ޖަނަވަރީ – ހެނދުނު 7:30 އިން 8:30 އަށް
Please be informed that some parts of @velanaairport western road and lagoon will be closed on 15th & 17th January for a VVIP movement. pic.twitter.com/JR0MoCHtrV
— Maldives Airports Company Ltd - MACL (@MACLmedia) January 14, 2023
މި ވަގުތުތަކުގައި އެމްއޭސީއެލް ސްޓާފް ބަސް އަދި އެމްޓީސީސީ ބަސް ހުއްޓާނީ ވެސްޓަރން ޕާކިން ސަރަހައްދަށެވެ. އަދި އެމްއޭސީއެލް ފެރީ ގާތް ކުރާނީ ވެސްޓަރން ޕާކިން ސަރައްދުގެ ބަނދަރަށެވެ. އަދި މި ވަގުތުތަކުގައި ހުޅުލޭގެ ފަޅަށް ވަދެ ނުކުމެވޭނީ ދެކުނު ނެރުންނެވެ. އަދި މި ވަގުތުތަކުގައި އެއް ގަޑިއިރު ކުރިން ފެށިގެން ކާރގޯ ޓާރމިނަލާއި ދިމާލުގައިވާ ނެރުން ފެށިގެން ރަސްމީ ފާލަމާއި ދިމާލުގައިވާ ނެރާއި ހަމައަށްވާ ސަރަހައްދުގައި އެއްވެސް ބާވަތެއްގެ އުޅަނދެއް އަޅާފައި ނުބޭއްވުމަށް އެމްއޭސީއެލުންވަނީ އަންގާފައެވެ.
އަދި މި ވަގުތުތަކުގައި އިންޓަރނޭޝަނަލް ޓަރމިނަލްގެ އުތުރު ކަންމަތިން ފެށިގެން ޑޮމެސްޓިކް ޓަރމިނަލްގެ އުތުރު ކަން މައްޗާއި ދެމެދު، މަގު ބަންދުވާނެ ކަމަށާއި، މި ވަގުތުތަކުގައި އެ ސަރަހައްދުން ހިނގުމުގައިވެސް ސެކިއުރިޓީ ބަލަހައްޓާ ފަރާތްތަކުގެ އިރުޝާދާއި އެއްގޮތަށް އަމަލުތައް ބެހެއްޓުމަށް އެމްއޭސީއެލުންވަނީ އިލްތިމާސްކޮށްފައެވެ.
2023 ޖަނަވަރީ 16 ވަނަ ދުވަހު ކެމްބޯޑިއާގެ ބޮޑުވަޒީރު މާލެ ވަޑައިގަތުމަށް ހަމަޖެހިފައިވާ ރަސްމިއްޔާތާ ގުޅިގެން އިއްޒުއްދީން ފާލަމާއި ޖުމްހޫރީ މައިދާން އަދި ހޮޓެލް ޖެން ހިމެނޭ ސަރަހައްދުގެ ޓްރެފިކް ބެލެހެއްޓުމަށް ހަމަޖެހިފައިވާ ގޮތް pic.twitter.com/iuhA0ARWw3
— Maldives Police (@PoliceMv) January 14, 2023
ހުޅުލޭގެ އިތުރުން މާލޭގެ ޓްރެފިކް ބެލެހެއްޓުމަށްވެސް މިމަހުގެ 16ވަނަ ދުވަހު ބަދަލުތަކެއް ގެނައުމަށްވަނީ ހަމަޖެހިފައިއެވެ. އެގޮތުން 16ވަނަ ދުވަހުގެ ކެމްބޯޑިއާގެ ބޮޑުވަޒީރު މާލެ ވަޑައިގަތުމަށް ހަމަޖެހިފައިވާ ރަސްމިއްޔާތާ ގުޅިގެން އިއްޒުއްދީން ފާލަމާއި ޖުމްހޫރީ މައިދާން އަދި ހޮޓެލް ޖެން ހިމެނޭ ސަރަހައްދުގައި މިމަހުގެ 15ވަނަ ދުވަހުނެ ފެށިގެން ޓްރެފިކް ބެލެހެއްޓުމަށް ބައެއް ބަދަލުތައް ގެނައުމަށް ނިންމާފައިވާކަމަށް ފުލުހުން ހާމަކުރެއެވެ.
އެގޮތުން 15ވަނަ ދުވަހުގެ 18:00އިން ފެށިގެން އިއްޒުންދީން ފާލަން ހިމެނޭ ސަރަހައްދުގެ ފަޅު ބަންދުކުރުމާއި، އިވެންޓާއި ގުޅިގެން ޓްރެފިކަށް އަދި ހިނގާ މީހުންނަށް އިއްޒުއްދީން ފާލަމުން ފެށިގެން ރައީސް އޮފީހާ ހަމައަށް ބަންދުކުރުން ހިމެނެއެވެ.