މޯލްޑިވިއަންގެ ދަތުރުތައް އިންޑިއާގެ ބެންގަލޫރަށް
-
ހަފްތާއަކު 2 ދަތުރު ބާއްވާނެ
-
ކޮންމެ ހަފްތާއެއްގެ ހޯމަ އަދި ބުރާސްފަތި ދުވަހު
-
ބޭސްފަރުވާއަށް ދަތުރުކުރާ ދިވެހިންނަށް ލުއިތަކެއް
-
ރާއްޖެއަށް އަންނަ ފަސތުރުވެރިން އިތުރުވާނެ
މޯލްޑިވިއަނުން އިންޑިއާގެ ބެންގަލޫރަށް ދަތުރުތައް ފަށައިފިއެވެ.
މޯލްޑިވިއަންގެ ދަތުރުތައް ބެންގަލޫރަށް ފަށާއިރު ހަފްތާއަކު 2 ދަތުރު ބާއްވާނެއެވެ. އެއީ ކޮންމެ ހަފްތާއެއްގެ ހޯމަ އަދި ބުރާސްފަތި ދުވަހުއެވެ.
މޯލްޑިވިއަން ހިންގާ އައިލެންޑް އޭވިއޭޝަނުން ބުނީ، ބެންގަލޫރަށް ދަތުރު ފަށަން ނިންމީ އިންޓަނޭޝަނަލް މަންޒިލްތަކަށް ކުރާ ދަތުރު ފުޅާކުރުމަށް ކުރަމުންދާ މަސައްކަތުގެ ދަށުންކަމަށެވެ. ބެންގަލޫރަކީ ދިވެހިން ބޭސްފަރުވާއާއި އަދި އެހެނިހެންވެސް ބޭނުންތަކަށް ވަރަށް ގިނައިން ދަތުރުކުރާ މަންޒިލެކެވެ. އެހެންކަމުން މޯލްޑިވިއަނުން މި ފެށި ދަތުރުތަކާއެކު ބެންގަލޫރާއި ރާއްޖެއާއި ދެމެދު ދަތުރުކުރަން ބޭނުންވާ ފަރާތްތަކަށް އިިތުރު ލުއިފަސޭހަތަކެއް ލިބެންދާނެކަމަށް އައިލެންޑު އޭވިއޭޝަނުން ބުނެއެވެ.
އިންޑިއާއަކީ މިހާރު ރާއްޖެއަށް 2 ވަނައަށް އެންމެ ގިނަ ފަތުރުވެރިން އަންނަ ގައުމުވެސްމެއެވެ. އެހެންކަމުން މި ދަތުރުތަކާއިއެކު އިންޑިއާއިން އިތުރު ފަތުރުވެރިން ރާއްޖެއަށް އައުމަށްވެސް މަގުފަހިވެގެންދާނެއެވެ.
މޯލްޑިވިއަނުން ބައިނަލްއަޤްވާމީ ދަތުރުތައް މިހާރު ކުރަމުންދަނީ އިންޑިއާގެ ޓްރިވެންޑްރަމާއި، ކޮޗިންގެ އިތުރުން ބަންގްލަދޭޝްގެ ޑާކާއަށެވެ.