ރައްޔިތުންނަށް މަންފާހުރި ވެރިކަމަކަށް ހެދުމަށް ރައީސާއެކު ސާބިތުވެ ހުންނާނަން: ނައިބު ރައީސް
-
ނައިބް ރައީސް މިހެން ވިދާޅުވީ އެކްސްގައި ހިއްސާކުރި ޕޯސްޓެއްގައި
-
މިއީ އެތައް ރައްޔިތުންނެއްގެ މަސައްކަތުން ގެނެވުނު ވެރިކަމެއްކަމަށް ނައިބު ރައީސް ވިދާޅުވި
މި ވެރިކަމަކީ ރައްޔިތުންނަށް ލާބައާއި މަންފާހުރި ނަފާވެރި ވެރިކަމަކަށް ހެދުމަށް ރައީސުލްޖުމްހުރިއްޔާ ޑރ. މުޙައްމަދު މުޢިއްޒާއެކު ސާބިތުވެ ހުންނަވާނެކަމަށް ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ވިދާޅުވެއްޖެއެވެ.
ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް މިހެން ވިދާޅުވެފައި މިވަނީ، ޕީ.ޕީ.އެމްގެ ލީޑަރޝިޕް ތެރޭ ޚިޔާލު ތަފާތުވުންތަކެއް އުފެދި، ކުރީގެ ރައީސް ޢަބްދުﷲ ޔާމީން ޢަބްދުލްގައްޔޫމް ޕީޕީއެމުން ވަކިވެވަޑައިގެން އައު ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަމުންގެންދަވާ ދަނޑިވަޅެއްގައެވެ.
އެކްސްގައި ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް ކުރެއްވި ޕޯސްޓެއްގައި ވިދާޅުވީ މިއީ އެތައް ރައްޔިތުންގެ ބައިވެރިވުމާއި ބުރަ މަސައްކަތުން ގެނެވުނު ވެރިކަމެއްކަމަށެވެ. އަދި މިއީ ރައްޔިތުން ކުރި މިންނެތް މަސައްކަތުގެ ނަތީޖާ ކަމަށާއި ރައްޔިތުން އިޙްތިޔާރުކުރެއްވީ ރައީސުލްޖުމްހޫއްޔާ ޑރ. މުޙައްމަދު މުޢިއްޒުގެ ތަޞައްވުރުކަމަށެވެ.
— Hussain Mohamed Latheef (@HucenSembe) November 25, 2023
ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް ވިދާޅުވީ، ރައީސް ޑރ. މުޢިއްޒު އިސްކުރައްވަނީ ރައްޔިތުންގެ މަސްލަހަތުކަމަށެވެ. އެހެންކަމުން ރައްޔިތުންނަން ލާބައާއި މަންފާހުރި ވެރިކަމަށް ރައީސް ޑރ. މުޢިއްޒުގެ ވެރިކަން ހެއްދެވުމަށް އެމަނިކުފާނާއެކު ސާބިތުވެ ހުންނަވާނެކަމުގެ ޔަޤީންކަން ނައިބު ރައީސް ދެއްވިއެވެ.
"އެމަނިކުފާނު އިސްކުރައްވާނީ ތިޔަ ރައްޔިތުންގެ މަސްލަހަތު.. ވީމާ މިވެރިކަމަކީ ރައްޔިތުންނަށް ލާބައާއި މަންފާހުރި ނަފާވެރި ވެރިކަމަކަށް ހެދުމަށް އެމަނިކުފަނާއެކު ސާބިތުވެ ހުންނާނެކަމުގެ ޔަޤީންކަން އަރުވަން" ނައިބު ރައީސްގެ ޕޯސްޓުގައި ވިދާޅުވިއެވެ.
ޕީ.ޕީ.އެމް ޕީ.އެން.ސީ ތެރޭގައި ސިޔާސީ ޚިޔާލު ތަފާތުވުން އިތުރުވެފައިވާ މި ދަނޑިވަޅުގައި ރައީސް ޑރ. މުޙައްމަދު މުޢިއްޒުގެ ވަޒީރުންގެ މަޖިލީހުގައި ހިމެނިވަޑައިގަންނަވާ ވަޒީރުން އަންނަނީ ރައީސް ޑރ. މުޢިއްޒާއެކު ދެމިހުންނަވާނެކަން ހާމަކުރައްވަމުންނެވެ. މީގެ ތެރޭގައި ޕީޕީއެމްގެ ލީޑަރޝިޕްގެ ބައެއް އިސް ބޭފުޅުންވެސް ހިމެނިވަޑައިގަންނަވައެވެ.