ޚަބަރުހުސްވެ މަގުމައްޗަށް ވެއްޓިފައި އޮތް މީހާ އޭޑީކޭ ހޮސްޕިޓަލަށް ބަދަލުކޮށްފި

މިއަދު ފަތިިހުގެ ވަގުތެއްގައި ޚަބަރުހުސްވެ މަގުމައްޗަށް ވެއްޓިފައި އޮތް މީހަކަށް އައިޖީއެމްއެޗްގައި ފަރުވާދިނުމަށްފަހު، އޭނާ އޭޑީކޭ ހޮސްޕިޓަލަށް ބަދަލުކޮށްފިއެވެ. އައީޖީއެމްއެޗްއިން ވަނީ މިކަން ޕީއެސްއެމް ނިއުސްއަށް ކަށަވަރުކޮށްދީފައެވެ.

ފުލުހުން ވިދާޅުވީ، މިއަދު ފަތިހު 5:27 އެއްހާއިރު ނީލޯފަރު މަގުގެ ގޯޅިގަނޑެއްގައި މީހަކު ޚަބަރު ހުސްވެގެން އޮތްކަމަށް ރިޕޯޓުކޮށްފައިވާ ކަމަށެވެ. އަދި އޭނާއަކީ 32 އަހަރުގެ ދިވެހި ފިރިހެނެއްކަމަށާއި މި މައްސަލައާ ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ބުންޏެވެ.

އައިޖީއެމްއެޗްއިން ވިދާޅުވީ އެމީހާއަށް އެމަޖެންސީ ރޫމުގައި ފަރުވާދިނުމަށްފަހު އޭޑީކޭ ހޮސްޕިޓަލަށް ބަދަލުކޮށްފައި ކަމަށެވެ. މަޢުލޫމާތު ލިބިފައިވާގޮތުގައި މި މީހާ މަގުމައްޗަށް ވެއްޓިފައިވަނީ އިމާރާތެއްގެ 5 ވަނަ ފަންގިފިލާއިން ވެއްޓުމުގެ ސަބަބުންނެވެ.