ބެލެނިވެރިންނާއި، ޓީޗަރުންގެ އިންޓަރ ސްކޫލް ނެޓްބޯޅަ މުބާރާތް މިމަހު 25 ގައި ފަށަން ނިންމައިފިއެވެ. މުބާރާތުގައި ބެލެނިވެރިންގެ ފުރަތަމަ މެޗުގައި ބައްދަލުކުރާނީ އަމީނިއްޔާ ސްކޫލާއި، ބްރިޖު ސްކޫލެވެ. ބެލެނިވެރިންގެ 2 ވަނަ މެޗުގައި ބައްދަލުކުރާނީ ގަލޮޅު މަދަރުސާއާއި، ލާލޭ އިންޓަރ ނޭޝަލް ހައި ސްކޫލެވެ. އަދި 3 ވަނަ މެޗުގައި ބައްދަލުކުރާނީ ލިޓްލް ޖެމްސްއާއި، ގިޔާސުއްދީން ސްކޫލެވެ.
ޓީޗަރުންގެ ފުރަތަމަ މެޗުގައި ބައްދަލުކުރާނީ ލާލޭ އިންޓަރ ނޭޝަނަލް ހައި ސްކޫލާއި، އެކްސެލް އިންޓަރ ނޭޝަނަލް ސްކޫލެވެ.
މިމުބާރާތުގެ ޓީޗަރުންގެބައިގެ 2 ވަނަ މެޗުގައި ބައްދަލުކުރާނީ ދަރުމަވަންތަ ސްކޫލާއި، މާފަންނު މަދަރުސާއެވެ. އަދި 3 ވަނަ މެޗުގައި ބައްދަލުކުރާނީ ލިޓިލް ޖެމްސްއާއި، އަހުމަދިއްޔާ ސްކޫލެވެ.
img:http://s4.psmnews.mv/images/660x400/14613041923713.jpg|އިންޓަރ ސްކޫލް ބެލެނިވެރިން އަދި ޓީޗަރުންގެ ގުރުއަތުލުމުގެ ތެރެއިން (ފޮޓޯ:ޕީއެސްއެމް ވަހީދު)
ބެލެނިވެރިންގެ ބައި ވަނީ ހަތަރު ގުރޫޕަކަށް ބަހާލާފައެވެ. އަދި ޓީޗަރުންގެ ބައިވެސް ވަނީ ހަތަރު ގުރޫޕަކަށް ބަހާލާފައެވެ. މިމުބާރާތުގެ ބެލެނިވެރިންގެ ބައިގައި 18 ސްކޫލްއެއްގެ ބެލެނިވެރިން ވާދަކުރެއެވެ. އަދި ޓީޗަރުންގެ ބައިގައި 17 ސްކޫލް ވާދަކުރެއެވެ.
މިމުބާރާތުގެ ބެލެނިވެރިންގެ ބަޔާއި، ޓީޗަރުންގެ ބައިވެސް ކުރިއަށްދާނީ ކޮންމެ ގުރޫޕަކުންވެސް އެންމެ ގިނަ ޕޮއިންޓް ހޯދާ ދެ ޓީމް ދެވަނަ ބުރަށް ދާ ގޮތަށެވެ.