ޚަބަރު
މެއިލް ބޮކްސްތަކަކަށް ދީނާ ޚިލާފު ލިޔުންތަކެއް އެޅި މައްސަލައިގައި ދެ ބިދޭސީއަކު ހައްޔަރުކޮށްފި
-
ހައްޔަރުކޮށްފައިވަނީ ޖަރުމަނުވިލާތަށް ނިސްބަތްވާ 2 އަންހެނުން
-
މައްސަލައާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން
ހުޅުމާލެ ދެވަނަ ފިޔަވަހި ހިޔާ ފްލެޓްތައް.
ހިޔާ ފްލެޓު ތަކުގެ މެއިލް ބޮކްސްތަކަކަށް ދީނާ ޚިލާފު ލިޔުންތަކެއް އެޅި މައްސަލައަކާ ގުޅިގެން ދެ ބިދޭސީއަކު ހައްޔަރުކޮށްފިއެވެ.
ފުލުހުން ވިދާޅުވީ ހިޔާ ފްލެޓު ތަކުގެ މެއިލް ބޮކްސްތަކަކަށް ދިވެހިރާއްޖޭގެ ދީނީ އެއްބައިވަންތަކަން ހިމާޔަތްކުރުމުގެ ޤާނޫނާ ޚިލާފު ލިޔުންތަކެއް އެޅި މައްސަލައަކާ ގުޅިގެން 2 ބިދޭސީން ހައްޔަރުކޮށްފައިވާ ކަމަށެވެ. ހައްޔަރުކޮށްފައިވަނީ ޖަރުމަނުވިލާތަށް ނިސްބަތްވާ 2 އަންހެނުން ކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ އެ ދެ އަންހެނުން ރާއްޖެ އައިސްފައިވަނީ ޓޫރިސްޓް ވިސާގައިކަމަށާއި މައްސަލައާ ގުޅިގެން ފުލުހުން ބަލަންޖެހޭ ކަންކަން ބަލަމުންދާ ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ