ރާއްޖެއަށް މިހާރު ކުރަމުންދާ ވިއްސާރައިގަ މާލެއަށް ބޯކޮށް ވާރޭވެހުމުގެ ސަބަބުން ފެންބޮޑުވެ ގެއްލުންވި 5 ގެއެއްގެ 34 މީހުންނަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ، އެންޑީއެމްއޭ ވަގުތީ ބޯހިޔާވަހިކަން ފޯރުކޮށްދީފިއެވެ.
އެންޑީއެމްއޭ އިން ވިދާޅުވީ، އެ އޮތޯރިޓީން ހެދި ރެޕިޑް އެސެސްމަންޓުން އާންމުންނަށް އުޅެން ދަތިވާ ގޮތަށް ހުރި 9 ތަނެއް ފާހަގަވެފައިވާ ކަމަށެވެ. އޭގެ ތެރެއިން، 5 ގެއެއްގައި ފެން ބޮޑުވުމުގެ ސަބަބުން ނާރުދަމާގެ މައްސަލަ ފެންމަތިވެ އެގެތަކުގައި ދިރިއުޅޭ ފަރާތްތަކަށް ވަގުތީ ބޯހިޔާވަހިކަން ފޯރުކޮށްދީފައި ވާކަމަށާއި އޭގެތެރޭގައި 11 ކުޑަކުދިން ހިމެނޭ ކަމަށް އެ އޮތޯރިޓީ އިން މަޢުލޫމާތުދެއްވިއެވެ.
އެންޑީއެމްއޭއިން ބުނީ ވިއްސާރައިގައި ފެންބޮޑުވުމުގެ ސަބަބުން މާލޭއިން މިހާތަނަށް 85 ގެއަކުން އެހީތެރިކަމަށް އެދިފައިވާއިރު، މާލޭގެ އެކި ސަރަހައްދުތަކުގައި މިހާތަނަށް ޖުމްލަ 495 ވެލި ބަސްތާ ޖަހައިދީފާކަމަށް އެއޮތޯރިޓީން ބުނެއެވެ.
ރެޕިޑް އެސެސްމަންޓްއިން އުޅެން ދަތިވާ ވަރަށް ފާހަގަކުރެވުނު 9 ގެއެއްގެ ތެރެއިން 5 ގެއެއްގެ 34 ފަރާތެއް ބަދަލުކުރުމަށް ނިންމާ ވަގުތީބޯހިޔާވަހިކަން ދަނީ ހަމަޖައްސަމުން، މި 5 ތަނުގައި ދިރިއުޅެން ދަތިވާ ވަރަށް ފެން ބޮޑުވުމުގެ ސަބަބުން ފާޚާނާ ކުރުމަށް ބުރޫ އަރާ ނަޖިސް ވަނީ ލީކުވެފަ pic.twitter.com/UfFDr3hmvH
— NDMA Maldives (@NDMAmv) April 13, 2024
މާލެއަށް ބޯކޮށް ވާރޭ ވެހި، މަގުތަކުގައި ފެންބޮޑުވުމުގެ ސަބަބުން އެމްއެންޑީއެފުން ދަނީ މާލެ އެކި ސަރަހައްދުގައި ފެން ހިންދުމުގެ މަސައްކަތް ކުރަމުންނެވެ. އެގޮތުން، 7 ސަރަހައްދެއްގައި 15 ޕަމްޕު ބޭނުންކޮށްގެން ފެން ހިންދުމުގެ މަސައްކަތް ކުރަމުން އަންނަކަމަށް އެމްއެންޑީއެފުން މަޢުލޫމާތުދެއެވެ. ފެންބޮޑުވެފައިވާ ސަރަހައްދުތަކުގައި ޕަންޕު ޖަހައިގެން ފެން ހިންދުމުގެ މަސައްކަތް ވީހާވެސް އަވަހަށް ނިންމުމަށް މަސައްކަތް ކުރަމުންދާކަމަށް އެމްއެންޑީެފުން ވިދާޅުވިއެވެ.
ބޯކޮށް ވާރޭ ވެހި މާލޭގެ މަގުތަކުގައި ފެންބޮޑުވުމާ ގުޅިގެން، މަގުތަކުން ފެން ހިންދުމާއި އަދި ބައެއް ގެތަކަށް ފެންވަންނަމުންދާތީ، ވެލި ބަސްތާ ޖެއްސުމުގެ މަސައްކަތުގައި އެމްއެންޑީއެފް އެފްއާރުއެސްއާއި އެމްއެންޑީއެފް މާލޭ އޭރިއާ ކޮމާންޑުގެ ސިފައިން ހަރަކާތްތެރިވާން ފަށައިފި. pic.twitter.com/DjaPxBtcHT
— Maldives National Defence Force (@MNDF_Official) April 13, 2024
މާލޭއަށް ބޯކޯށް ވާރޭވެހި ފެންބޮޑުވުމުގެ ސަބަބުން ގެތަކައި ފިހާރަފަދަ ތަންތަނަށް ފެންވަންމުންދާތީ ފުލުހުންގެ ޚިދުމަތުންވަނީ ވަނީ މާލޭގެ މަގުތަކުން ފެން ހިނދި އާންމު ހާލަތަށް މަގުތައް އަންނަންދެން، މަގުތަކަށް ކުނި ނުނެރުމަށާއި، ބަރު އުޅަނދުތަކާއި ހަތަރުފުރޮޅުލީ އުޅަނދު ނުދުއްވުމަށް ދަންނަވާފައެވެ.
މާލޭގެ މަގުތަކުން ފެން ހިނދި އާންމު ހާލަތަށް މަގުތައް އަންނަންދެން، މަގުތަކަށް ކުނި ނުނެރުމަށާއި، ބަރު އުޅަނދުތަކާއި ހަތަރުފުރޮޅުލީ އުޅަނދު ނުދުއްވުމަށް ދަންނަވަން pic.twitter.com/do1HWHCEUd
— Maldives Police (@PoliceMv) April 13, 2024
ރާއްޖޭގެ އެކި ކަންކޮޅުތަކަށް މިހާރު ކުރަމުންދާ ވިއްސާރައާއި ގުޅިގެން މެޓް އޮފީހުން ވިދާޅުވީ، ކުރިއަށްއޮތް ގަޑިތަކުގައި މާލެ ސަރަހައްދަށް އާންމު ގޮތެއްގައި މޫސުން ރަނގަޅުވާނެ ކަމަށެވެ. އަދި، އެންމެ ބޮޑަށް ވިއްސާރަކުރާނީ މ، ތ، އަދި ލ.އަތޮޅަށް ކަމަށް މެޓް އޮފީހުން މަޢުލޫމާތުދެއެވެ.