އަނިޔާގެ ސަބަބުން ކުޅުމާ ދުރުގައި ހުރި ކްރިސްޓިއާނޯ ރޮނާލްޑޯ ރެއާލްމެޑްރިޑްގެ ފަރިތަކުރުންތަކުގައި ބައިވެރިވެއްޖެއެވެ.
ކުރިއަށް އޮތް ޗެމްޕިއަންސް ލީގު ސެމީ ފައިނަލަށް ތައްޔާރުވާ ރެއާލްގެ ފަރިތަކުރުންތަކުގައި ރޮނާލްޑޯ ބައިވެރިވިއިރު އަނިޔާގެ ސަބަބުން ރޮނާލްޑޯ ސެމީ ފައިނަލް ފުރަތަމަ ލެގުގައި ސިޓީ ދަނޑުގައި ކުޅުނު މެޗްގައިވެސް ބައިވެރިވެފައެއް ނުވެއެވެ. އަނިޔާގެ ސަބަބުން އެންމެ ފަހުން ރެއާލްމެޑްރިޑް ކުޅުނު ތިން މެޗްގައިވެސް ރޮނާލްޑޯ ކުޅެފައެއްނުވެއެވެ. އެންމެ ފަހުން ރޮނާލްޑޯ ކުޅެފައިވަނި ލީގުގައި ވިޔަރެއާލް އަތުން ރެއާލްމެޑްރިޑް މޮޅުވި މެޗްގައެއެވެ.
އަނިޔާވުމުގެ ކުރިން ރޮނާލްޑޯ ވަނީ ރެއާލްއާއެކު މިސީޒަނުގެ ހުރިހާ މެޗެއް ފުރިހަމަކޮށްފައެވެ. ސެމީ ފައިނަލްގައި ރެއާލްމެޑްރިޑާ ސިޓީ ރެއާލްދަނޑުގައި ވާދަކުރާއިރު މިދެޓީމް ސިޓީ ދަނޑުގައި ކުޅުނު މެޗް ނިމުނީ ލަނޑެއް ނުޖެހިއެވެ.
ކްރިސްޓިއާނޯ ރޮނާލްޑޯ ވަނީ މިސީޒަންގެ ޗެމްޕިއަންސް ލީގުގައި ރެއާލްމެޑްރިޑް ކުޅުނު 10 މެޗްގައި 16 ގޯލް ޖަހާފައެވެ.