އަލިފާން ރޯވެފައިވާ ލޯންޗެއް (ފައިލް ފޮޓޯ)
މާލެއިން ފުރައިގެން ދަތުރުކުރަމުންދިޔަ ލޯންޗެއްގައި އަލިފާން ރޯވެ ލޯންޗުގައިތިބި 3 މީހުން ފިހިއްޖެއެވެ.
tw:https://twitter.com/PSMnewsmv/status/734326088768225280
މީގެ ތެރެއިން 2 މީހުންނަށް އައިޖީއެމް ހޮސްޕިޓަލްގައި ފަރުވާ ދެމުންދާކަމަށާއި އެމީހުންގެ ޙާލު އެހާ ސީރިއަސް ނޫންކަމަށް އައިޖީއެމްއެޗުން މަޢުލޫމާތުދެއެވެ. އަލިފާން ރޯވި ލޯންޗަކީ މާފުށީ ގެސްޓްހައުސްއެއްގައި ބޭނުންކުރާ ލޯންޗެއްކަމަށާއި އަލިފާނުގެ ޙާދިސާ ހިނގިވަގުތު އޭގައި ތިބީ 2 ފަޅުވެރިންނާއި ޓުއަރގައިޑެއް ކަމަށް ފުލުހުން މަޢްލޫމާތުދެއެވެ. މި 3 މީހުންނަކީވެސް ދިވެހިންކަމަށް ފުލުހުން މަޢުލޫމާތުދެއެވެ.
މި ހާދިސާގައި އަލިފާން ރޯވި ލޯންޗް އެއްކޮށްވަނީ އަނދާ ހުލިވެފައެވެ. އަލިފާން ރޯވެފައިވާ ލޯންޗް އޮތީ މާލެއާއި ފުނަދޫއާއި ދޭތެރޭގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ