ޔުއެފާ ޗެމްޕިއަންސް ލީގުގައި ރޭ ކުޅުނު މެޗު ކާމިޔާބުކޮށް، ލިވަޕޫލުން ދަމަހައްޓަމުން އަންނަ މޮޅުވުމުގެ ރިކޯޑު ދިފާއުކޮށްފިއެވެ.
ޖަރުމަނުގެ ލައިޕްޒީގާ ދެކޮޅަށް ރަށުން ބޭރުގައި ކުޅުނު މި މެޗު 1-0 ގެ ނަތީޖާއަކުން ލިވަޕޫލް ކާމިޔާބު ކޮށްފައިވާއިރު މި މެޗުގައި ފެނިގެން ދިޔަ ހަމައެކަނި ލަނޑު އެ ޓީމަށް ކާމިޔާބުކޮށްދީފައިވަނީ މެޗުގެ 27 ވަނަ މިނިޓުގައި އެ ޓީމުގެ އުރުގުއޭ ފޯވަޑް ޑާވިން ނޫނެޒް އެވެ.
ލިވަޕޫލްގެ ކޯޗު ކަމާއި މި ސީޒަނުގައި އަލަށް ހަވާލުވި އާން ސްލޮޓުގެ އިރުޝާދުގެ ދަށުން ރަގަޅު ކުޅުމެއް ދައްކަމުންދާ ލިވަޕޫލްގެ ފުރަތަމަ އެގާރައިގައި މިއީ ޑާވަން ނޫނެޒް ފެނިގެންދިޔަ ހަތަރުވަނަ މެޗެވެ. ސްލޮޓްގެ އިރުޝާދުގެ ދަށުން ލިވަޕޫލް އިން މި ހާތަނަށް 12 މެޗު ކުޅެފައިވާއިރު އެ ޓީމު ބަލިވެފައިވަނީ އެންމެ މެޗަކުންނެވެ.
ލިވަޕޫލް އަށް މި މެޗުގައި ލަނޑު ޖަހާނެ ރަގަޅު ފުރުސަތުތަކެއް ލިބިފައިވީ ނަމަވެސް ލެއިޕްޒިގްގެ ގޯލުކީޕަރަކަށް ކުޅުނު ލިވަޕޫލްގެ ކުރީގެ ބަދަލު ކީޕަރު, ޕީޓަރ ގުލާކްސީ ވަނީ މޮޅު ކުޅުމެއް ދައްކާ ލިވަޕޫލްގެ ގިނަ ހަމަލަތަކެއް ދިފާއުކޮށްފަ އެވެ.
މި މެޗުން ލިވަޕޫލް މޮޅުވުމާއެކު އެ ޓީމަށް ވަނީ ޗެމްޕިއަންސް ލީގުގައި މިހާތަނަށް ކުޅުނު ތިން މެޗުން ލިބުނު 9 ޕޮއިންޓާއެކު ތާވަލުގެ ދެވަނަ ލިބިފަ އެވެ. އެއްވަނައިގައި އޮތް އެސްޓަން ވިލާއަށްވެސް 9 ޕޮއިންޓް ލިބިފައިވާއިރު އެ ޓީމަށް ކުރި ލިބިފައިވަނީ ފައިދާ ގޯލުގެ ތަފާތުންނެވެ.