ޗައިނާގެ ޝަންގްހާއީ ޕޯޓަށްއަށް އަހަރު ދުވަހު ކުޅުމަށްފަހު ބްރެޒިލްގެ މިޑްފީލްޑަރު އޮސްކާ އެނބުރި ސައޮ ޕޯލޯއަށް ބަދަލުވެއްޖެއެވެ.
އުމުރުން 31 އަހަރުގެ އޮސްކާ ފުރަތަމަ ޕްރޮފެޝަލް ފުޓްބޯޅަ ކުޅެން ފަށާފައިވަނީ ސައޮޕޯލޯ އިންނެވެ. އަދި އޭގެ ފަހުން އޭނާ ވަނީ އިނގިރޭސިވިލާތުގެ ޗެލްސީއަށް ބަދަލު ވުމުގެ ކުރިން އިންޓަރނޭޝަނަލްއަށް ކުޅެފަ އެވެ.
ޗެލްސީގައި ހޭދަކުރި ކާމިޔާބު ދުވަސްތަކުގައި އޭނާ ވަނީ އެ ކްލަބާއިއެކު އިނގިރޭސި ޕްރިމިއާ ލީގާއި ޔޫރޮޕާ ލީގުގެ އިތުރުން ލީގް ކަޕް ކާމިޔާބުކޮށްފަ އެވެ. އަދި އުމުރުން 25 އަހަރުގައި އޭނާ ޗެލްސީ ދޫކޮށް ޗައިނާއަށް ބަދަލުވުމުން ގިނަ ބަޔަކު ވަނީ އޭނާއަށް ފާޑު ކިޔާފަ އެވެ.
އެގޮތުން އޭނާ ޗައިނާއަށް ބަދަލުވީ ފައިސާގެ ދަހިވެތިކަމުގައި ކަމަށް ބައެއް ފަރާތްތަކުން ބުނެފައިވާއިރު އޮސްކާ ބުނެފައިވަނީ އޭނާގެ ކުޑައިރުގެ ދުވަސްތަކަކީ ބަނޑުހައި ހޫނުކަމުގައި އުޅުނު ދުވަސްތަކެއް ކަމަށާއި އެހެންކަމުން އެކަމުން އަރައިގަނެ އޭނާގެ އާއިލާއަށް ރަގަޅު ދިރިއުޅުމެއް އުޅެވޭނެ ގޮތެއް ހޯދުމަކީ އޭނާގެ އެންމެ ފުރަތަމަ ވާޖިބު ކަމަށެވެ.
އޭގެ އަށް އަހަރު ފަހުން އޮސްކާ އެނބުރި ސައޮޕޯލޯ އާއި ގުޅިފައިވަނީ ތިން އަހަރު ދުވަހުގެ އެއްބަސްވުމެއްގެ ދަށުން 2027 ވަނަ އަހަރުގެ ނިޔަލަށް އެ ކްލަބުގައި މަޑު ކުރުމަށެވެ.