މަތިންދާބޯޓު ވެއްޓުނު ހާދިސާއާ ގުޅިގެން ރައީސްގެ ތައުޒިޔާގެ މެސެޖެއް އަޒަރްބައިޖާނުގެ ރައީސަށް

އަޒަރްބައިޖާނުގެ މަތިންދާބޯޓެއް ވެއްޓި، އެތައް ބަޔަކު މަރުވުމާއި ގުޅިގެން އެކަމުގެ ހިތާމައިގައި ރައީސުލްޖުމްހޫރިއްޔާ ޑރ.މުހައްމަދު މުޢިއްޒު، އަޒަރްބައިޖާނުގެ ރައީސް އިލްހާމް އަލިޔޭވްއާށް ތައުޒިޔާގެ މެސެޖެއް ފޮނުއްވައިފިއެވެ.

ރައީސުލްޖުމްހޫރިއްޔާގެ މެސެޖުގައި އެ ޤައުމުގެ ހުޅަނގު ދެކުނުން އޮންނަ އަކްޓައޫ ސިޓީއަކަށް މަތިންދާބޯޓެއް ވެއްޓި، އެތައް ބަޔަކު މަރުވެ، އަދި އެތައް ބަޔަކު ޒަހަމްވި ހާދިސާގެ ޚަބަރު އެއްސެވީ ފުން ހިތާމައާއެކު ކަމުގައި ވިދާޅުވެ، އެ ޤައުމުގެ ސަރުކާރަށާއި ރައްޔިތުންނަށް ތައުޒިޔާ ވިދާޅުވެފައިވެއެވެ. އަދި މި ހާދިސާއާ ގުޅިގެން ލިބިފައިވާ ގެއްލުންތަކުން އަރައިގަތުމަށް ކުރަމުންދާ މަސައްކަތްތަކަށް ކާމިޔާބަށް އެދިވަޑައިގަންނަވާކަމަށްވެސް ރައީސުލްޖުމްހޫރިއްޔާ ވިދާޅުވެފައިވެއެވެ.

ހަބަރުތައް ބުނާގޮތުން މި ހަދިސާގައި ވެއްޓިފައިވަނީ 67 މީހުންނާއެކު ދަތުރުކުރަމުންދިޔަ އަޒަރުބައިޖާން އެއަރލައިންގެ މަތިންދާބޯޓެކެވެ. މިހާދިސާގައި މަރުވި މީހުންގެ އަދަދު 30 އަށް އަރާކަމަށްވެސް ހަބަރުތައް ބުނެއެވެ.