އިނގިރޭސި ޕްރިމިއަރ ލީގުގައި ރޭ ކުޅުނު މެޗުގައި ފުލަމް އިން ފަހަތުން އަރައި 2-1 ގެ ނަތީޖާއަކުން ޗެލްސީ ބަލިކޮށްފިއެވެ.
މި މެޗުން ފުލަމް މޮޅުވުމާއެކު އެ ޓީމަށް ވަނީ 18 މެޗުން ލިބިފައިވާ 28 ޕޮއިންޓާއެކު ތާވަލުގެ 8 ވަނަ މަގާމް ލިބިފަ އެވެ. ޗެލްސީއަށް 18 މެޗުން ލިބިފައިވާ 35 ޕޮއިންޓާއެކު އެ ޓީމު އޮތީ ތާވަލުގެ ދެވަނައިގަ އެވެ.
ޗެލްސީގެ ސްޓެމްފަޑް ބްރިޖްގައި ކުޅުނު މި މެޗުގެ 16 ވަނަ މިނިޓުގައި ޗެލްސީގެ ކޯލް ޕާމާ ވަނީ ލަނޑެއް ޖަހާ އެ ޓީމަށް ކުރި ހޯދަދީފަ އެވެ. މިއީ މި އަހަރުގެ ތެރޭގައި ޕާމާ ޖެހި 26 ވަނަ ގޯލެވެ. މީގެ ކުރިން އެއް އަހަރުގެ ތެރޭގައި ޗެލްސީއަށް އެންމެ ގިނަ ލަނޑު ޖަހައިދީފައިވަނީ 2001 ވަނަ އަހަރު ޖިމީ ފްލޮއިޑް ހަސަލްބޭންކް އެވެ.
ޗެލްސީން 1-0 ގެ ލީޑަކާއެކު ދެވަނަ ހާފުގެ ކުޅުން ފެށި ނަމަވެސް ފުލަމްއިން ވަނީ މެޗުގެ ދެވަނަ ހާފުގައި އެ ޓީމުގެ ކުޅުން އިތުރަށް ރަގަޅުކޮށް ރަގަޅު ފުރުސަތުތަކެއް ހޯދާފަ އެވެ. އެ ގޮތުން މެޗުގެ ފުރިހަމަ ވަގުތު ހަމަވާމް އަށް މިނިޓަށް ވެފައިވަނިކޮށް ހެރީ ވިލްސަން ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފަ އެވެ.
އަދި މެޗުގެ އިތުރު ވަގުތުގެ ކުޅުމުގައި ރޮޑްރިގޯ މުނީޒް ވަނީ އިތުރު ލަނޑެއް ޖަހާ ޗެލްސީގެ މައްޗަށް ކުރި ހޯދާފަ އެވެ.
މި މެޗުން ފުލަމް މޮޅުވެފައިވާއިރު މިއީ ފާއިތުވެދިޔަ 45 އަހަރުގެ ތެރޭގައި ސްޓެމްފަޑް ބްރިޖުގައި ފުލަމް މޮޅުވި ފުރަތަމަ ފަހަރެވެ.