އިނގިރޭސި ޕްރިމިއަރ ލީގުގައި ރޭ ބްރައިޓަން އާއި ބްރެންޓްފަޑް ބައްދަލުކުރި މެޗު އެއްވެސް ޓީމަކަށް ލަނޑެއް ނުޖެހި އެއްވަރުވެއްޖެއެވެ.
ބްރައިޓަންގެ އެމެރިކަން އެކްސްޕްރެސް ސްޓޭޑިއަމްގައި ކުޅުނު މި މެޗު އެއްވަރުވެފައިވާއިރު އެ ޓީމަށް ވަނީ 18 މެޗުން ލިބިފައިވާ 26 ޕޮއިންޓާއެކު ތާވަލުގެ ދިހަވަނަ ލިބިފައެވެ. އަދި ބްރެންޓްފަޑް އޮތީ 24 ޕޮއިންޓާއެކު 11 ވަނައިގައެވެ.
މި ސީޒަނުގައި މިހާތަނަށް ރަށުން ބޭރުގައި ބްރައިޓަން ކުޅުނު މެޗުތަކުން މިހާތަނަށް އެ ޓީމަށް ހޯދިފައިވަނީ އެންމެ ދެ ޕޮއިންޓެވެ.
މި މެޗުގައި ބްރައިޓެންގެ މިޑްފީލްޑަރ ސޮލީ މާޗް ވަނީ 14 މަސް ދުވަހަށް ފަހު އަލުން ކުޅުމުގެ ތެރެއަށް އައިސްފަ އެވެ. 2023 ވަނަ އަހަރުގެ އޮކްޓޯބަރ މަހު މެންޗެސްޓަރ ސިޓީ އާއި ދެކޮޅަށް ކުޅުނު މެޗުގައި އޭނާގެ ކަކުލަށް ލިބުނު އަނިޔާއިން ރަގަޅުވެ އަލުން ކުޅުމުގެ ތެރެއަށް އައުމާއެކު އެ ކްލަބުގެ ސަޕޯޓަރުން ވަނީ އޭނާއަށް ވަރަށް ހޫނު މަރުހަބާއެއް ކިޔާފައެވެ.