ފެންބޮޑުވެފައިވާތީ މަގުތަކަށް ކުނި ނުނެރުމަށް ވެމްކޯއިން އެދިއްޖެ
-
ކުނި ނަގަން ވެމްކޯގެ ޓީމުތައް ގޭގެއަށް ދާނެ
މިހާރު ކުރަމުންދާ ވިއްސާރާގައި މާލެއާއި ހުޅުމާލޭގައި ފެންބޮޑުވެފައިވާތީ، މަގުމައްޗަށް ކުނި ނުނެރުމަށް ވޭސްޓް މެނޭޖްމަންޓް ކޯޕަރޭޝަން، ވެމްކޯއިން އިލްތިމާސްކުރައްވައިފިއެވެ.
ވެމްކޯގެ މެނޭޖިންގ ޑިރެކްޓަރ މުޖުތަބާ ޖަލީލު ވިދާޅުވީ މާލެއާއި ހުޅުމާލޭގައި ފެންބޮޑުވެފައިވާތީ ވެމްކޯގެ ޓީމުތަކުން ކުނި ނެގުމަށް ގޭގެއަށް ދާނެކަމަށެވެ. އެހެންކަމުން މިވަގުތު މަގުތަކަށް ކުނި ނުނެރުމަށް މުޖުތަބާ އިލްތިމާސްކުރެއްވިއެވެ.
އާންމުންގެ ސަމާލުކަމަށް..!
— Mujey Jaleel (@MujuJaleel) January 3, 2025
މުޅިރާއްޖެއަށް ކުރަމުންމިދާ ވިއްސާރައިގެ ސަބަބުން މުޅިމާލެ އަދި ހުޅުމާލެ ފެންބޮޑުވެފައިވާތީ، އެއްވެސް ބޭފުޅަކު މަގުމައްޗަށް ކުނި ނުނެރެއްވުން އެދެން. ވެމްކޯ ޓީމުން ގޭގެއިން ކުނިނަގަން މައްޗަށް އަރާ ކުނި ނަގައިދޭނެ.@HPA_MV @MoHmv @Thoriqibrahim
ރާއްޖެއަށް ކުރަމުންދާ ވިއްސާރާގައި އެންމެ ގިނައިން ވާރޭވެހިފައިވަނީ މާލެއަށެވެ. އަދި ފެން ހިންދުމުގެ މަސައްކަތް އެމްއެންޑީއެފްއާއި ކަމާބެހޭ އިދާރާތައް ގުޅިގެންދަނީ ކުރަމުންނެވެ.