އެންމެ ފަހުގެ ޗެމްޕިއަން ސްޕެއިން ކަޓުވާލުމަށްފަހު ޔޫރޯ ފުޓްބޯޅަ މުބާރާތުގެ ކުއާޓަރ ފައިނަލުން އިޓަލީ ޖާގަ ހޯދައިފިއެވެ. ދެވަނަ ބުރުގައި ސްޕެއިންއާއި އިޓަލީ ވާދަކުރިމެޗް އިޓަލީ ކާމިޔާބުކުރީ ދެލަނޑު ސުންލަނޑުންނެވެ.
މެޗްގެ ފުރަތަމަ ލަނޑު ފުރަތަމަ ހާފްގައި އިޓަލީއަށް ކާމިޔާބުކޮށްދިނީ ޗިއެލީނީއެވެ. ދެވަނަ ހާފްގެ އިތުރު ވަގުތުގައި އިޓަލީގެ ދެވަނަ ލަނޑު ކާމިޔާބުކޮށްދިނީ ގްރާޒިއާނޯ ޕެލޭއެވެ. މެޗްގެ މޮޅު ކުޅުންތެރިއަކަށް ހޮވުނީ ޗިއެލީނީއެވެ.
އިޓަލީއާ ސްޕެއިން 2012 ވަނަ އަހަރުގެ ޔޫރޯ ފައިނަލްގައި ވާދަކުރި މެޗް ހަތަރު ލަނޑު ސުންލަނޑުން ކާމިޔާބުކުރީ ސްޕެއިންއެވެ. ކުއާޓަރ ފައިނަލްގައި އިޓަލީ ވާދަކުރަން ޖެހޭނީ ޖަރުމަނާއެވެ.
މެޗުން ބަލިވެ ސްޕެއިން މުބާރާތުން ކަޓާފައިވާއިރު، މިފަހަރުގެ ޔޫރޯގައި ސްޕެއިންއަށް ކާމިޔާބުކުރެވުނީ އެންމެ ދެ މެޗެވެ. އިޓަލީއާ ޖަރުމަނު ކުއާޓަރ ފައިނަލްގައި ވާދަކުރާއިރު، މިދެޓީމް ވާދަކުރި ނޮކްއައުޓް އެއްވެސް މެޗަކުން އިޓަލީ ބަލިވެފައެއް ނުވެއެވެ.