ޚަބަރު
ތިނަދޫ ސިޓީ ކައުންސިލު އިދާރާއިން ވައްކަން ކޮށްފަަވާ މައްސަލައެއް ދަނީ ބަލަމުން: ފުލުހުން
-
މިހާތަނަށް ބެލި ބެލުމުން ވައްކަމެއް ހިނގާފައިވާކަން ފާހަގަކުރެވިފައިނުވާކަމަށް ފުލުހުން ވިދަޅުވި
-
މައްސަލަ ދަނީ އިތުރަށް ބަލަމުން
ތިނަދޫ ސިޓީ ކައުންސިލުން ވައްކަން ކޮށްފަވާކަމަށް ތުޙުމަތުކުރެވޭ މައްސަލައެއް ފުލުހުން ބަލަން ފެށުން / ފޮޓޯ: ތިނަދޫ ސިޓީ ކައުންސިލް
ތިނަދޫ ސިޓީ ކައުންސިލުގެ އިދާރާއިން ވައްކަން ކޮށްފަވާކަމަށް ތުޙުމަތުކުރެވޭ މައްސަލައެއް ފުލުހުންނަށް ހުށައަޅާފައިވާތީ، އެ މައްސަލަ ބަލަމުންދާކަމަށް ފުލުހުން ވިދާޅުވެއްޖެއެވެ.
ފުލުހުން ވިދަޅުވީ އެ މައްސަލައާއި ގުޅިގެން މިހާތަނަށް ބެލި ބެލުމުން އެފަދަ ކަމެއް ހިނގާފަވާ ކަމަށް ނުބެލެވޭކަމަށެވެ. މި މައްސަލައާ ގުޅިގެން އިތުރަށް ބަލަންޖެހޭ ކަންކަން ބަލަމުންދާކަމަށް ފުލުހުން ވަނީ ވިދާޅުވެފައެވެ.
ތިނަދޫ ސިޓީ ކައުންސިލުން ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފަވަނީ އޭސީސީގެ ނަމުގައި އައި ބަޔަކު ތިނަދޫ ކައުންސިލްގެ ގިނަ ޢަދަދެއްގެ ތަކެތި، ވަގަށް ނަގާފަވާކަމަށެވެ. މިކަމާގުޅިގެން އެ މައްސަލަ، ފުލުހަށް ހުށައަޅާފަވާކަމާއި، އޭގެ ސަބަބުން ކައުންސިލްގެ ބައެއް ޚިދުމަތްތައް މެދުކެނޑިފަވާކަމަށްވެސް ސިޓީ ކައުންސިލުން ވިދާޅުވެފަވެއެވެ.