ޕެނަލްޓީގައި އިޓަލީ ބަލިކޮށް ޔޫރޯ ފުޓްބޯޅަ މުބާރާތުގެ ސެމީފައިނަލުން ދުނިޔޭގެ ޗެމްޕިއަން ޖަރމަނީ ޖާގަ ހޯދައިފިއެވެ. ކުއާޓަރ ފައިނަލްގައި އިޓަލީގެ މައްޗަށް ޖަރމަނީ ކުރިހޯދީ މެޗްގެ ފުރިަހަމަ ވަގުތުގެ ކުޅުން ނިމުނުއިރު އެކެއް އެކަކުން އެއްވަރުވުމުން ޖެހި ޕެނަލްޓީގައި ހަލަނޑު ފަސްލަނޑުން ކުރިހޯދައިގެންނެވެ.
މެޗްގެ ދެވަނަ ހާފްގައި ފުރަތަމަ ލަނޑު ޖަހާ ކުރިހޯދީ ޖަރމަނީއެވެ. މިލަނޑު ކާމިޔާބުކޮށްދިނީ އޮޒިލްއެވެ. ދެވަނަ ހާފްގައި ލިބުނު ޕެނަލްޓީއަކުން އިޓަލީއަށް ނަތީޖާ ހަމަހަމަކޮށްދިނީ ލިއަނާޑޯ ބޮނޫޗީއެވެ. ނަތީޖާ ނެރުމަށް ޖެހި ޕެނަލްޓީގައި އިޓަލީގެ ޒާޒާ، ޕެލޭ، ބޮނޫޗީ އަދި ޑާމިއަން ޖެހި ޕެނަލްޓީ ވަނީ ނާކާމިޔާބުވެފައެވެ. ޖަރުމަނުން މުލާ، އޮޒިލް އަދި ސްވަންސްޓައިގާ ޖެހި ޕެނަލްޓީ ވަނީ ނާކާމިޔާބުވެފައެވެ. މެޗުން މޮޅުވި ޕެނަލްޓީ ޖަރމަނީއަށް ކާމިޔާބުކޮށްދިނީ ޖޯނަސް ހެކްޓަރއެވެ.
މިމެޗްގައި ދެއްކި ރީނދޫ ކާޑާއެކު ޖަރުމަނުގެ ޑިފެންޑަރ ހުމެލްސްއަށް ސެމީފައިނަލްގައި ނުކުޅެވޭނެއެވެ. ސެމީފައިނަލްގައި ޖަރުމަނު ވާދަކުރަން ޖެހޭނީ ކުއާޓަރ ފައިނަލްގައި ފްރާންސާ އައިސްލެންޑް ވާދަކުރާ މެޗުން މޮޅުވާ ޓީމަކާއެވެ.