ޔޫރޯގެ ތަށި ހޯދުމަކީ އަބަދުވެސް ދެކެމުން އައި ހުވަފެނެއްކަމަށް ޕޯޗްގަލްގެ ކެޕްޓަން ކްރިސްޓިއާނޯ ރޮނާލްޑޯ ބުނެފިއެވެ. މެޗްގެ ކުރިންޔޫއެފާއަށްދިން އިންޓަރވިއުއެއްގައި ރޮނާލްޑޯ ބުނީ ޕޯޗްގަލްއާއެކު ތައްޓެއްހޯދިއްޖެނަމަ ވެގެންދާނީ ކެރިއާގައި މިހާތަނަށް ލިބޭ އެންމެ ބޮޑު ކާމިޔާބީއަށްކަމަށާއި، މެޗަށް ނިކުންނައިރު ފެވަރިޓުންނަކީ މުބާރާތް ބާއްވާ ޤައުމު ފްރާންސްކަމަށެވެ.
ދުނިޔޭގެ މޮޅު ކުޅުންތެރިޔާގެ އެވޯޑް ތިންފަހަރު ހޯދާފައިވާކްރިސްޓިއާނޯ ރޮނާލްޑޯ މިއީ ޤައުމީ ޓީމާއެކު ނިކުންނަ ދެވަނަ ފައިނަލެވެ.ޕޯޗްގަލްގައި ކުޅެވުނު 2004ވަނަ އަހަރުގެ ޔޫރޯ ފައިނަލްއިން ޕޯޗްގަލް ބަލިވީ ގްރީސް އަތުންނެވެ. މިދިޔަ 12 އަހަރު ޕޯޗްގަލް ބޮޑު މުބާރާތެއްގެ ފައިނަލްގައިވާދަކޮށްފައިނުވާއިރު، ރޮނާލްޑޯ ބުނީ މިއީ ޕޯޗްގަލްގެ ފަހަރުކަމަށެވެ. ޕޯޗްގަލް މުބާރާތުގައިދެއްކި ކުޅުމަކީ އާދައިގެ ކުޅުމެއް ނޫން ކަމަށާއި، މެޗްގައި މުހިންމީ މޮޅުވުންކަމަށް އެއްތިރީސް އަހަރުގެ ފޯވާޑް ބުންޏެވެ.
" މި ތަށި މުހިންމު ވަނީ އަހަރެންނަށް އެކަންޏެެއް ނޫން. އަހަރެން އަބަދުވެސް ދެކެމުން އައި ހުވަފެނެއް މިއީ ޕޯޗްގަލް ރައްޔިތުުންނަށް ތައްޓެއް ހޯދުން. އެހެންވީމަ މިރޭ އަހަރެމެން ނިކުންނާނީ މުޅި ޕޯޗްގަލްއަށްޓަކައި" ރޮނާލްޑޯ ބުންޏެވެ.
މެޗަށް ނިކުންނައިރު ރޮނާލްޑޯ ވަނީމިފަހަރުގެ ޔޫރޯގައި ތިން ގޯލް ޖަހާފައެވެ. އަދި ޔޫރޯގައި އެންމެ ގިނަ ގޯލްޖަހައިގެންމިޝޭލް ޕްލެޓީނީ ހަދާފައިވާ ރެކޯޑާ ރޮނާލްޑޯ ވަނީ މިފަަހަރު ހަމަހަމަކޮށްފައެވެ. ރޮނާލްޑޯއާމިޝޭލް ޕްލެޓީނީވެސް ޖަހާފައިވަނީ 9 ގޯލެވެ.