ވެލާނާ އިންޓަނޭޝަނަލް އެއާޕޯޓްގައި ބިދޭސީންގެ މެދުގަައި ހިނގި މާރާމާރީގައި 3 މީހަކަށް އަނިޔާވި ކަމަށް ފުލުހުން ވިދާޅުވެއްޖެއެވެ. މާރާމާރީ ހިންގާފައިވަނީ ވީއައިއޭ އައު ޓާމިނަލް ހަދަމުންދިޔަ ބިދޭސީންތަކެއްގެ މެދުގައެވެ.
ފުލުހުން ވިދާޅުވީ މި މާރާމާރީގެ މައުލޫމާތު ލިބުނީ މިއަދު ހަވީރު 4:49 ހާއިރު ކަމަށެވެ. މާރާމާރީ ހިނގީ އެ މީހުންގެ މެދުގައި ޖެހުނު މައްސަލައަކާއި ގުޅިގެންކަމަށް ފުލުހުން ވިދާޅުވެއެވެ.
މި މާރާމަރީގައި 3 ބިދޭސީއަކަށް އަނިޔާވެފައިވާއިރު، އޭގެތެރޭގައި ހިމެނެނީ މިޞްރުގެ 2 މީހުންނާއި ބަންގްލަދޭޝްގެ މީހެކެވެ. ފުލުހުން ވިދާޅުވީ އަނިޔާވި އެއްވެސް މީހަކަށް ސީރިޔަސް އަނިޔާއެއް ލިބިފައި ނުވާކަމަށެވެ.
މި މައްސަލަ ތަޙްޤީގުކުރަމުން އަންނަކަށް ފުލުހުން ވިދާޅުވިއެވެ.