ޤައުމީ ޓީމުގެ ކެޕްޓަން ޢަލީ އަޝްފާގު މާޒިއާ އެންޑް ރެކްރިއޭޝަން ކްލަބަށް ސޮއިކޮށްފިއެވެ.
މާޒިއާގައި އަޝްފާގުގެ ޖަރޒީ ނަމްބަރަކީ 50 އެވެ.
tw:https://twitter.com/MaziyaSr/status/753254136926261249
މިދިޔަ ދެ ސީޒަނުގައި މެލޭޝިއާގެ ޕީޑީއާރުއެމްގައި މޮޅު ކުޅުމެއް ދެއްކި ހުނަރުވެރި ފޯވާޑް މާޒިޔާއާއި ގުޅިފައިވަނީ މިސީޒަންގެ ނިޔަލަށް ކަމަށް އެކްލަބުން ހާމަކުރެއެވެ. މިއީ އަޝްފާގު މާޒިޔާއަށް ކުޅޭ ފުރަތަމަ ފަހަރެވެ. އަޝްފާގު ވަނީ މީގެ ކުރިން ނިއުރޭޑިއެންޓް، ވެލެންސިޔާ، އަދި ވީބީއަށްވެސް ކުޅެފައެވެ.
މެލޭޝިއާގެ ޕީޑީއާރުއެމް ފުރަތަމަ ޑިވިޝަނަށް ކޮލިފައިކޮށްދިނުމުގައި މުހިންމު ދައުރެއް އަދާކޮށްފައިވާ އަޝްފާގު ޕީޑީއާރުއެމްއާއެކު ހަދާފައިވާ ކޮންޓްރެކްޓް ބާތިލްކުރީ އޭނާއަށް ލިބިފައިވާ އަނިޔާއިން ފަރުވާ ހޯދުމަށް ވަގުތު ބޭނުންވާތީއެވެ.
tw:https://twitter.com/AliAshfaq07/status/750226617943949312
އަޝްފާގު ވަނީ މާޒިޔާއަށް ސޮއިކުރުމުގެ ކުރިން އެކްލަބްގެ ފަރިތަކުރުންތަކުގައި ބައިވެރިވާން ފަށާފައެވެ. މާޒިޔާއިން މިސީޒަނާ ކުރިމަތިލީ ސީޒަންގެ ހުރިހާ ތައްޓެއް ހޯދުމަށެވެ. ލީގުގައި މިވަގުތު މާޒިޔާ އޮތީ އެއްވަނައިގައެވެ.