ފެތުންތެރިޔާ މައިކަލް ފެލްޕްސް ނަވާރަވަނަ ރަންމެޑަލްހޯދައިފިއެވެ. މިހާތަނަށް އޮލިމްޕިކްސްގައި އެންމެ ގިނަ މެޑަލް ހޯދާފައިވާ ފެލްޕްސްއޭނާގެ ކެރިއަރުގައި 19 ވަނަ ރަންމެޑަލް ހޯދީ ރޭ ހަތަރެއް ގުނަ ސަތޭކަ މީޓަރފްރީސްޓައިލް ރިލޭއިންނެވެ.
އެމރިކާގެ ފެލްޕްސްވަނީ 2012 ވަނަ އަހަރުގެއޮލިމްޕިކަށްފަހު އޮލިމްޕިކްގައި ވާދަނުކުރަން ނިންމާފައެވެ. ނަމަވެސް އޭނާގެ ނިންމުންބަދަލުކޮށް މިފަހަރުގެ އޮލިމްޕިކަށް ނިކުމެ ކާމިޔާބު ހޯދަން ފަށާފައިވާއިރު މިއީ އޮލިމްޕިކްގެ ތާރީހުގައި އޭނާއަށް ލިބުނު 23 ވަނަ މެޑަލްއެވެ. މިހާތަނަށް ފެލްޕްސްއަށްވަނީ 19 ރަން މެޑެއްޔާ، 2 ރިހި އަދި 2 ލޯ މެޑެލް ލިބިފައެވެ. މި ލިސްޓްގެދެވަނައިގައިވާ ކުރީގެ ސޯވިއެޓް ޔޫނިއަންގެ ލެރީސާއަށް ލިބިފައިވަނީ 14 މެޑަލްއެވެ.ޖިމްނާސްޓިކުން ލެރީސާއަށް ލިބިފައިވަނި 6 ރަން މެޑެއްޔާ 5 ރިހި އަދި 3 ލޯ މެޑަލްއެވެ.
img:http://s2.psmnews.mv/images/660x400/14706425942057.jpg|ހަތަރެއް ގުނަ ސަތޭކަ މީޓަރ ފެތުމުގައި އެމެރިކާގެ ފެތުންތެރިޔާ ފެލްޕްސް ފަތަނީ
ރޭގެ ކާމިޔާބީއަށްފަހު ފެލްޕްސް ބުނީ ބޮޑު ބްރޭކަކަށްފަހު ފަތަން ފެށުމުން އުނދަގޫތަކެއް ހުރިކަމަށާއި، މިއީ އެންމެ ޗެލެންޖިންގ ބޮޑު އެއް ރޭސް ކަމަށެވެ.
ފެތުމުގެ ގިނަ ރެކޯޑްތަކެއް ހަދާފައިވާ 31 އަހަރުގެފެލްޕްސް އަންނަނީ 2004 ވަނަ އަހަރުގެ އޮލިމްޕިކްސްއިން ފެށިގެން ގިނަމެޑަލްތަކެއް އެމެރިކާއަށް ހޯދަދެމުންނެވެ.