އޮލިމްޕިކްސްގައި ސަރފިންހިމެނުމަކީ ރާއްޖޭގެ ރާޅާ އެޅުންތެރިން ކުރިއަށް ދިއުމަށް ލިބިގެންދިޔަ ވަރަށްރަނގަޅު ފުރުސަތެއް ކަމަށް ކުޅިވަރާ ބެހޭ މިނިސްޓަރު އިރުތިޝާމް އާދަމް ވިދާޅުވެއްޖެއެވެ.
ޔޫތު މިނިސްޓާރ މިހެން ވިދާޅުވެފައިވަނީ ފޯސީޒަން ސަރފިން ޗެމްޕިއަންސް ޓްރޮފީ ރާޅާއެޅުމުގެ މުބާރާތް ފައްޓަވައިދެއްވުމުގެ ގޮތުން ވާހަކަދައްކަ ފުޅުދައްކަވަމުންނެވެ. މިނިސްޓަރ ވިދާޅުވީ މޫދު ކުޅިވަރު ތަކުގެތެރެއިން ރާޅާއެޅުމަކީ ރާއްޖޭގައި އެންމެ މަގުބޫލް ކުޅިވަރުކަމަށާ މިސަރުކާރުގެއަމަޒަކީ ރާޅާއެޅުން ވީހާވެސް ބޮޑަކަށް ތަރައްގީކޮށް ކުރިއެރުވުންކަމަށެވެ. މިފަދަ މުބާރާތްތަކުން ރާއްޖޭގެ ރާޅާއެޅުންތެރިންނަށް އިތުރު ކުރިއެރުތަށް ލިބި،ރާއްޖެއިން ބޭރުގެ އެންމެ މޮޅެތި ރާޅާއެޅުންތެރިންނާއެކު ރާޅާ އަޅާލުމުގެ ފުރުސަތުލިބިގެން ދިއުމަކީވެސް ރާއްޖޭގައި ރާޅާއެޅުން ކުރިއެރުމަށް ކުރަމުންދާމަސައްކަތުގައި އިތުރު ހިއްވަރެއް ލިބިގެންދާނެކަމެއްކަމަށްވެސް މިނިސްޓާރއިރުތިޝާމް ވިދާޅުވިއެވެ. 2020 ވަނަ އަހަރުގެ އޮލިމްޕިކްސްގައި ސާފިންހިމެނުމާއެކު، އެމުބާރާތަށް ކޮލިފައިވާން ބޭނުންވާ ރާޅާއެޅުންތެރިންނަށް މިފަދަމުބާރާތްކުގައި ވާދަކުރުމުގެ ފުރުސަތު ލިބިގެން ދިއުމަކީ ރާޅާއެޅުންތެރިންނަށްލިބިގެންދާނެ ވަރަށްބޮޑު ހިއްވަރެއްކަމަށްވެސް ކުރިވަރާ ބެހޭ ވަޒީރު މިނިސްޓަރއިރުތިޝާމް ވިދާޅުވިއެވެ.
" ރާއްޖެއަކީ ވަރަށް ތަފާތު މަންޒިލެއް، އަދި މިފަދަމުބާރާތެއް ރާއްޖޭގައި ބޭއްވިގެން ދިއުމަކީ މިކުޅިވަރަށް ލިބިގެންދާ ވަރަށް ބޮޑު ކުރިއެރުމެއް.މިއީ ހަމައެކަމި ކުޅިވަރެއްގެ ގޮތުގައި ކުޅުމުގެ ބަދަލްގައި މިހާރު ރާޅާއެޅުމަކީރާއްޖޭގެ އެންމެ ގިނަ ޒުވާނުން ބަލައިގަންނަ އެއް ކުޅިވަރު. 2020ވަނަ އަހަރުގެއޮލިމްޕިކްސްގައި ސާފިން ހިމެނުމުން، އިތުރު ޒުވާނުންނަށް އެފުރުސަތުތަށް ލިބި،މިކަމުން ރާއްޖޭގެ ރާޅާއެޅުންތެރިންނަށް ވަރަށް ބޮޑު ފައިދާއެއް ކުރާނެކަމަށްގަބޫލް ކުރަން" މިނިސްޓަރ އިރުތިޝާން ވިދާޅުވިއެވެ.
img:http://s1.psmnews.mv/images/660x400/14708150909521.jpg|
މިރަސްމިއްޔާތުގައި ވާހަކަފުޅުދައްކަވަމުން އެންވަޔަރްމެންޓްމިނިސްޓަރު ތޯރިގު އިބްރާހީމް ވިދާޅުވީ މިފަދަ މުބާރާތްތަކުން ރާއްޖޭގެފަތުރުވެރިކަން އިތުރަށް އިޝްތިހާރުވެގެންދާކަމަށެވެ. އަދި ރައީސް ޔާމީންގެ ސިޔާސަތުގެ ދަށުން ޒުވާނުންނަށް އިތުރު ފުރުސަތުތަށް ހޯދައިދީ، މިފަދަކުޅިވަރުތަށް ކުރިއެރުވުމަކީވެސް ސަރުކާރުގެ އަމާޒްއެއްކަމަށް މިނިސްޓަރ ތޯރިގުވިދާޅުވިއެވެ.
" ރާއްޖޭގައި ސާފިންއަކީ އަރަމުން އަންނަ ކުޅިވަރެއް. އަދިރާއްޖޭގެ މޫސުމަށް ބަލާއިރުވެސް މިކުޅިވަރަކީ ރާއްޖޭގައި ވަރަށް ފުޅާދާއިރާއެއްގައި ޒުވާނުން ބައިވެރިވާކުޅިވަރެއް. ރާއްޖޭގެ ރާޅާއެޅުންތެރިން ބޭރުގެ މުބާރާތްތަކުގައި ވާދަކޮށްވަނީރަނގަޅު ނަތީޖާތަކެއް ހޯދާފަ. އަދި މިއީ ޒުވާނުންގެ ކުރިމަގަށް ވަރަށް ރަނގަޅުކުޅިވަރެއްކަން އެކުދިންވަނީ ދައްކާދީފަ. ޔޫތް ޑިވޮލޮޕްމަންޓް ޕްރޮގްރާމްތަށްފުޅާދާއިރާގައި ހިންގުމަކީ ރައީސް ޔާމީން އެންމެ އިސްކަމެއްދީގެން ކުރަމުންގެންދާއެއް މަސައްކަތް" އެންވަޔަރްމެންޓް މިނިސްޓަރު ތޯރިގު އިބްރާހީމް ވިދާޅުވިއެވެ.
ފޯ ސީޒަންސް އިން ބުނީ މިއަހަރުގެ މުބާރާތަކީ އެންމެފުރިހަމަ އެއް މުބާރާތްކަމަށެވެ. މިއީ މި މުބާރާތުގައި އެންމެ މޮޅެތިރާޅާއެޅުންތެރިން ވާދަކުރާ ފަހަރުކަމަށްވެސް ފޯސީޒަންސް އިން މަޢުލުމާތުދެއެވެ.