އޮލިމްޕިކްސްގެ ތާރީޚުގައި ޖެހި އެންމެ އަވަސް ގޯލާއެކު ނޭމާ، ބްރެޒިލް ފައިނަލަށް ގެންގޮސްދީފިއެވެ.
ރޭ ކުޅުނު ސެމީފައިނަލް މެޗްގައި ބްރެޒިލްއާ ހޮންޑިއުރާސް ވާދަކުރި މެޗްގައި ނޭމާ އެޓީމްގެ ފުރަތަމަ ލަނޑު ކާމިޔާބުކޮށްދީފައިވަނީ 15 ސިކުންތުގެ ތެރޭގައެވެ. މިއީ އޮލިމްޕިކްސްގެތާރީޚުގައިވެސް ރެކޯޑެކެވެ. މި ރެކޯޑު ކުރިން އޮތީކެނެޑާގެ އަންހެން ފުޓުބޯޅަ ޓީމުގެ ކުޅުންތެރިއެއްކަމަށްވާ ޖެނިން ބެކާއަތުގައެވެ. ބެކާވަނީ އޮލިމްޕިކްސްގައި އޮސްޓްރޭލިއާއާ ދެކޮޅަށް 19 ސިކުންތުތެރޭގައި ލަނޑެއް ޖަހާފައެވެ.
img:http://s4.psmnews.mv/images/660x400/14715112643312.jpg|
އޮލިމްޕިކްސްގައި ފިރިހެން ފުޓްބޯޅައިގައި ބްރެޒިލްއާ ހޮންޑިއުރާސް ވާދަކުރި މެޗް ބްރެޒިލްފަސޭހަކަމާއެކު ކާމިޔާބުކޮށްފައިވަނީ 6 ސުމަކުންނެވެ. މިމެޗްގައި ބްރެޒިލްގެކެޕްޓަން ނޭމާވަނީ ދެ ލަނޑު ޖާހާފައެވެ. އަދި ގެބްރިއަލް ޖެސޫސްވެސް ވަނީ ދެ ލަނޑުޖަހާފައެވެ. ބްރެޒިލްގެ އިތުރު ލަނޑުތަށް ކާމިޔާބުކޮށްދީފައިވަނީ މާކުއީނޯސްއާއި، ލުއާންއެވެ. މެޗްގައި ހޮންޑިއުރާސްއަށް ލަނޑު ޖެހުމަށްލިބިފައިވަނީވެސް ވަރަށް މަދުފުރުސަތެކެވެ. މިމެޗްގައި ބްރެޒިލްގެ ކެޕްޓަން ނޭމާހުއްޓުވުމަށްޓަކައި ހޮންޑިއުރާސްގެ ކުޅުންތެރިން ގިނަ ފައުލްތަކެއް ކުރިކަންވެސްފާހަގަކޮށްލެވެއެވެ.
ބްރެޒިލް މިމުބާރާތުގެ ފައިނަލަށް ދަތުރުކޮށްފައިވާއިރު،އޮލިމްޕިކްސްގެ ފިރިހެންބައިގެ ރަން މެޑަލްއެއް މިހާތަނަށް ބްރެޒިލްއަށްހޯދިފައެއްނުވެއެވެ. އޮލިމްޕިކްސްގެ ތިން ފައިނަލެއްގައި މިހާތަނަށް ބްރެޒިލްވާދަކޮށްފައިވާއިރު، އެންމެ ފަހުން ބްރެޒިލް ބަލިވެފައިވަނީ މީގެ ހަތަރު އަހަރުކުރިން އޮލިމްޕިކްސް ފައިނަލްގައި މެކްސިކޯ އަތުންނެވެ. ފައިނަލްގައި ބްރެޒިލްއާވާދަކުރާނީ ރޭ ކުޅުނު ދެވަނަ ސެމީފައިނަލްގައި ނައިޖީރިއާގެ މައްޗަށް ދެ ލަނޑުސުން ލަނޑުން ކުރި ހޯދި ޖަރުމަނާއެވެ.
މި ދެޤައުމުގެ ސީނިއާ ޓީމް އެންމެ ފަހުން ވާދަކޮށްފައިވަނީ 2014ވަނަ އަހަރުގެ ވަރލްޑްކަޕްގެ ސެމީފައިނަލްގައެވެ. އެމެޗް 7-1 ލަނޑުން ކާމިޔާބުކުރީ ޖަރުމަނެވެ. ބްރެޒިލް ސަޕޯޓަރުން ޤަބޫލް ކުރާގޮތުގައި މިއީ އެކަމުގެ ބަދަލު ހިފުމަށް ލިބުނު ރަނގަޅު ފުރުސަތެކެވެ. މަރަކާނާ ސްޓޭޑިއަމްގައި ޖަރުމަން ބްރެޒިލް ރޮއްވާލިގޮތަށް ޖަރުމަނު ރޮއްވާލަން ބްރެޒިލްގެ ސަޕޯޓަރުން ބޭނުންވެއެވެ.