ޔުނައިޓެޑް ވިކްޓްރީ ބަލިކޮށް ޓީސީ ތިންވަނަ ބުރުގެ ފުރަތަމަ މެޗް ކާމިޔާބުކޮށްފިއެވެ. އުރީދޫ ދިވެހި ޕްރިމިއަރ ލީގުގައި މިއަދު ޓީސީއާ ޔުނައިޓެޑް ވިކްޓްރީ ކުޅުނު މެޗް ޓީސީ ކާމިޔާބުކުރީ ދެލަނޑު އެއްލަނޑުންނެވެ.
މެޗްގެ ފުރަތަމަ ހާފްގައި ފުރަތަމަ ލަނޑު ޖަހާ ލީޑު ހޯދީ ޓީސީއެވެ. މިލަނޑު ކާމިޔާބުކޮށްދިނީ އަލީ ފާސިރުއެވެ. ދެވަނަ ހާފްގައި ލިބުނު ހިލޭ ޖެހުމަކުން ޔުނައިޓެޑް ވިކްޓްރީއަށް ނަތީޖާ ހަމަހަމަކޮށްދިނީ ރަފޭލްއެވެ. މެޗުން މޮޅުވި ލަނޑު ޓީސީއަށް ކާމިޔާބުކޮށްދިނީ ޝަމްވީލް ޤާސިމްއެވެ.
މިމެޗުން ލިބުނު ތިން ޕޮއިންޓާއެކު ޓީސީ ވަނީ ދެވަނައިގައިވާ އީގަލްއާ ޕޮއިންޓްގެ ގޮތުން ހަމަހަމަކޮށްފައެވެ. ދެޓީމަށްވެސް ލިބިފައިވަނީ 27 ޕޮއިންޓެވެ. އީގަލްސްއަށް ދެވަނަ ލިބެނީ ގޯލްގެ ތަފާތުންނެވެ.
ލީގުގައި މިރޭ އީގަލްސް ނިކުންނާނީ ތާވަލްގެ ފުލުގައިވާ ބީޖީއާ ދެކޮޅަށެވެ. މިމެޗް އީގަލްސް ކާމިޔާބުކޮށްގެން އެއްވަނއިގައިވާ މާޒިޔާއާ ދެމެދުގައިވާ ފަރަޤު ޕޮއިންޓަކަށް ކުޑަކުރެވޭނެއެވެ.