ބާތިލްކުރި ވޮލީ އެސޯސިއޭޝަންގެ އިންތިހާބު މިމަހު ނަވާވީހުގައި ބޭއްވުމަށް ނިންމައިފިއެވެ. މިދިޔަ މަހު ވޮލީ އެސޯސިއޭޝަންގެ އިންތިހާބު ހޯމް މިނިސްޓްރީއިން ބާތިލްކުރީ އެސޯސިއޭޝަންތަކުގެ ހިންގާ ޤަވާއިދާ ވޮލީ އިންތިހާބުގައި ޚިލާފްވެފައިވާތީ ކަމަށް ހޯމް މިނިސްޓްރީއިން ބުނެއެވެ.
އަލުން ވޮލީއެސޯސިއޭޝަންގެ އިންތިހާބު ބޭއްވުމަށް ހޯމް މިނިސްޓްރީއިން އެކުލަވާލި ފަސް މެމްބަރުންގެ ކޮމިޓީއިން މިއަދު ބޭއްވި ނޫސްވެރިންގެ ބައްދަލްވުމުގެ ކޮމިޓީގެ މެމްބަރ އިބްރާހިމް އިސްމާއިލް ވިދާޅުވީ ވޮލީ އެސޯސިއޭޝަންގެ އިންތިހާބަށްކުރިމަތިލުމުގެ ފުރުސަތު މިއަދު ހުޅުވާލާފައިވާ ކަމަށާއި، މިމަހުގެ 22 ވަނަދުވަހުގެ ކުރިން ޝަރުތު ހަމަވާ ފަރާތްތަކަށް އިންތިޚާބުގައި ވާދަކުރެވޭނެ ކަމަށެވެ. އަދި މިމަހުގެ 25 ވަނަ ދުވަހު ކެނޑިޑޭޓުންގެ ލިސްޓު އާންމުކުރާނެކަމަށްވެސް އިބްރާހިމް އިސްމާއިލް ވިދާޅުވިއެވެ. ވޮލީ އެސޯސިއޭޝަންގެ އިންތިހާބުމިހާރު ބާއްވަން ތާވަލްކޮށްފައިވަނީ މިމަހުގެ 29 ވަނަ ދުވަހުގެ ރޭއެވެ.
މިއަހަރުގެ މާޗް މަހު ބޭއްވި ވޮލީ އިންތިހާބުގައި ރައީސް ކަމަށް ކުރިމަތިލައްވާފައިވަނީމުހައްމަދު ރިޔާޒުއާއި މުހައްމަދު ނަޝީދުއެވެ.