މިސްޓަރ މޯލްޑިވްސްގެ މަޤާމު ހޯދާފައިވާ ޙުޝާމް ޙަމީދާއެކު ޓްރޭނިންގ ސެޝަނެއް ފުރިހަމަ ކުރައްވާ، ހައުސިންގ މިނިސްޓަރ ޑރ. މުޙައްމަދު މުއިއްޒު ޓްރޭނިންގ ވިތް ޗެމްޕިއަންސް ޗެލެންޖް ފުރިހަމަ ކުރައްވައިފިއެވެ.
ޕޮލިސް ޖިމްގައި ހައުސިންގ މިނިސްޓަރ ވަނީ މިސްޓަރ މޯލްޑިވްސްގެ މަޤާމު ހޯދާފައިވާ ޕޮލިސް ކޯޕަރަލް ހުޝާމް ޙަމީދާއެކު އެއްގަޑިއިރުގެ ޓްރޭނިންގ ސެޝަނެއްގައި ބައިވެރިވެވަޑައިގެންފައެވެ. މި ޓްރެއިނިންގައި ފުރިހަމަކުރެއްވުމަށްފަހު ޕީއެސްއެމް ނިއުސްއަށް ދެއްވި އިންޓަރވިއުއެއްގައި ހައުސިންގ މިނިސްޓަރ ޑރ. މުޙައްމަދު މުއިއްޒު ވިދާޅުވީ، މިފަދަ ޓްރެއިނިންއަކީ އެކި ދާއިރާތަކުން ފާހަގަކޮށްލެވޭ ކާމިޔާބީތައް ހޯދާފައިވާ އެތްލީޓުންނާއެކީ ޓްރެއިންކޮށްލަން ލިބޭ ރަނގަޅު ފުރުޞަތެއް ކަމަށެވެ.
img:http://s3.psmnews.mv/images/660x400/14732270835963.jpg|މިނިސްޓަރ މުއިއްޒު ތަމްރީން ފުރިހަމަކުރައްވަނީ / ފޮޓޯ: ޕީއެސްއެމް
މިނިސްޓަރ ވިދާޅުވީ، މިސްޓަރ މޯލްޑިވްސްގެ މަޤާމު ހޯދާފައިވާ ހުޝާމާއެކީ މިފަދަ ޓްރެއިނިންގައި ބައިވެރިވުމުގެ ފުރުޞަތު ލިބުމަކީ ވަރަށް ރަނގަޅު ތަޖުރިބާއެއް ކަމަށެވެ. ޕޮލިސް ކޯޕްރަލް ޙުޝާމް ޙަމީދުވަނީ ދެހާސް ނުވަވަނަ އަހަރު މިސްޓަރ މޯލްޑިވްސްގެ މަޤާމު ހޯދާފައެވެ. އަދި ދެހާސް ދިހަވަނަ އަހަރު އޭނާ ވަނީ ރާއްޖޭގައި ބޭއްވި ހެވީ ވެއިޓް ޗެމްޕިއަންކަންވެސް ހޯދާފައެވެ.
ޓްރޭނިންގ ވިތް ޗެމްޕިއަންސް ޗެލެންޖަކީ ރާއްޖޭގައި ތިބި އެތްލީޓުންނަށް ހިތްވަރު ދިނުމުގެ ގޮތުން އޮލިމްޕިކް ކޮމެޓީގެ ޖެނެރަލް ސެކެޓްރީ އަހުމަދު މަރުޒޫގު ފެއްޓެވި ޙަރަކާތެކެވެ.