ޔޫއެފާ ޗެމްޕިއަންސް ލީގުގެ ފުރަތަމަ ބުރުގެ ފަހު މެޗުގައި މޮނާކޯއާއި ޔުވެންޓަސް ބައްދަލުކުރި މެޗު އެއްވަރުވެގެން ނިމިއްޖެއެވެ.
މޮނާކޯގެ ދަނޑުގައި ކުޅުނު މި މެޗުގައި ދެ ޓީމުންކުރެ ޓީމަކަށް ލަނޑެއް ކާމިޔާބުކުރެވިފައެއް ނުވެއެވެ. ދެ ޓީމުން ވެސް ދާދި ހަމަހަމަ ކުޅުމެއް ފެނިގެންދިޔަ މި މެޗުގައި ގިނަ ހަމަލާތަކެއް އުފައްދައި އެޓޭކިން މޮޅު ގޭމެއް ކުޅުނީ މޮނާކޯއިންނެވެ.
ލަނޑެއް ކާމިޔާބު ނުކުރެވުނު ނަމަވެސް މޮނާކޯއިން ވަނީ މެޗުގައި 11 ހަމަލާއެއް އުފައްދާފައެވެ. އޭގެތެރެއިން ފަސް ހަމަލާއެއް ވަނީ ގޯލާ އަމާޒުވާގޮތަށް ފޮނުވާލާފައެވެ. މުޅި މެޗުގައި ޔުވެންޓަސް އަށް އުފެއްދުނީ އެންމެ ހަތަރު ހަމަލާއެވެ. މިއިން އެއްވެސް ހަމަލާއެއް، ގޯލާ އަމާޒުވާގޮތަށް ފޮނުވާލެވިފައެއް ނުވެއެވެ.
މި މެޗުން އެއްވަރުވެ ލިބުނު އެއް ޕޮއިންޓާއެކު، ޗެމްޕިއަންސް ލީގުގެ ޕޮއިންޓު ތާވަލުގައި ޔުވެންޓަސް އޮތީ 13 ވަނައިގައެވެ. ތާވަލުގައި މޮނާކޯ އޮތީ 21 ވަނައިގައެވެ. ދެވަނަ ބުރުގެ ޖާގައެއް ކަށަވަރުކުރަން މި ދެ ޓީމުން ވެސް ޖެހޭނީ ޕްލޭއޮފް ކުޅޭށެވެ.