ތިލަފުށިން ގެއްލުނު މީހާ މަރުވީ 26 ވަނަ ދުވަހު ހިނގި "ހާދިސާއެއްގައި": ފުލުހުން
-
މަރުވެފައި އޮތްވާ ފެނުނީ ބަންގްލަދޭޝްގެ އުމުރުން 24 އަހަރުގެ އަމީން މިއާ
ތިލަފުށީ ސައިޓަކުން ގެއްލިގެން ހޯދަމުން ދަނިިކޮށް މަރުވެފައި އޮތްވާ ފެނުނު މީހާ މަރުވީ މީގެ ދެދުވަސް ކުރިން ހިނގި "ހާދިސާއެއްގައި" ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ، މަރުވެފައި އޮއްވާ ފެނިފައިވަނީ ބަންގްލަދޭޝްގެ ރައްޔިތެއް ކަމަށްވާ އުމުރުން 24 އަހަރުގެ އަމީން މިއާ ކަމަށެވެ. މިހާތަނަށް ބެލި ބެލުމުން، އަމީން މިއާ މަރުވުމުގެ ހާދިސާ ހިނގާފައިވަނީ މިމަހުގެ 26 ވަނަ ދުވަހުކަން އެނގިފައިވާކަމަށް ފުލުހުން ވިދާޅުވިއެވެ.
އޭނާ މަރުވެފައި އޮތްވާ ފެނުމާއި ގުޅިގެން އިތުރަށް ބަލަންޖެހޭ ކަންކަން ފުލުހުން ބަލަމުންދާ ކަމަށް ވިދާޅުވިއެވެ. އަދި މިއީ ހިނގަމުންދާ ތަހުގީގެއްކަމުން އިތުރު ތަފްސީލެއް ފުލުހުން ހާމައެއް ނުކުރެއެވެ.
އޭނާ ގެއްލިގެން ހޯދަމުންދާކަން ފުލުހުން ހާމަކޮށްފައިވަނީ އިއްޔެގެ ވަގުތެއްގައެވެ. އަދި މަރުވެފައި އޮތްވާ ފެނިފައިވާކަމަށް ފުލުހުން ހާމަކުރެއްވީ ރޭގެ ވަގުތެއްގައެވެ.