ސައިޓްތަކަށް ބިދޭސީން ރަޖިސްޓްރީކުރުމަށް ހުށެހެޅުމުގެ މުއްދަތު އިތުރުކޮށްފި

ދިވެހިރާއްޖޭގައި ބިދޭސީން ވަޒީފާ އަދާކުރުމަށް ކޯޓާ ދޫކުރާ މަސައްކަތްތަކަށް ސައިޓް ރަޖިސްޓްރީ ކުރުމަށް ހުށަހެޅުމުގެ މުއްދަތު އިތުރުކޮށްފިއެވެ.

ދާޚިލީ ވުޒާރާއިން މީގެ ކުރިން ވަނީ ދާޚިލީ ވުޒާރާއިން ވަނީ، މިހާރު ދާއިމީ ކޯޓާ ދޫކުރެވި ރަޖިސްޓްރީ ކޮށްފައިވާ ސައިޓްތަކުގެ މަޢުލޫމާތު އަދާހަމަ ކުރުމަށްޓަކައި، މިމަހުގެ 31 ވަނަ ދުވަހުގެ ކުރިން "ވަރކް ސައިޓް ޑިކްލަރޭޝަން ފޯމު" އަދި އިޤުރާރު ހުށަހެޅުމަށް ވަޒީފާ ދޭ ހުރިހާ ފަރާތްތަކަށް އަންގާފައެވެ.

ނަމަވެސް ކޯޓާ ދޫކުރާ މަސައްކަތްތަކަށް ސައިޓް ރަޖިސްޓްރީ ކުރުމަށް މިހާރު ހުށަހަޅަންޖެހޭ ލިޔެކިޔުންތަކުގެ އިތުރުން ނޯޓަރައިޒް ކޮށްފައިވާ "ވަރކް ސައިޓް ޑިކްލަރޭޝަން ފޯމު" އަދި އިޤްރާރު ހުށަހެޅުމަށް ދީފައިވާ މުއްދަތު އިތުރުކޮށްދިނުމަށް އެދި ގިނަ ވަޒީފާދޭ ފަރާތްތަކުން އެދެމުންދާތީ، އެ ލިޔެކިއުންތައް ހުށަހެޅުމުގެ މުއްދަތު މިއހަރުގެ ޖޫންމަހުގެ ފުރަތަމަ ދުވަހާހަމައަށް ވަނީ އިތުރުކޮށްދީފައެވެ.

ދާޚިިލީ ވުޒާރާއިން ވަނީ އެ މުއްދަތުގެ ތެރޭގައި ފޯމު ހުށަނާޅާ ފަރާތްތަކުގެ ސައިޓްތައް ސަސްޕެންޑް ކުރެވޭނެކަމަށް ވިދާޅުވެފައެވެ. އަދި ފޯމު ފުރުމަށް ވަޒީފާ ދޭ ފަރާތްތަކަށް ފަސޭހަކޮށްދިނުމުގެ ގޮތުން، ފޯމު ފުރުމުގައި އާންމުކޮށް އަންނާނެ ސުވާލުތަކާއި ޖަވާބުތައް އެކްސްޕެޓް ސިސްޓަމްއިން ލިބޭނެކަމަށްވެސް އެ ވުޒާރާއިން ވިދާޅުވެއެވެ. މި ފިޔަވަޅަކީ، ބިދޭސީން ވަޒީފާ އަދާކުރާ ތަންތަނުގެ މަޢުލޫމާތު ސައްޚަކަން ކަށަވަރު ކުރުމަށް އަޅާ ފިޔަވަޅެއް ކަމަށް އެވުޒާރާއިން މައުލޫމާތުދެއެވެ.

ބިދޭސީން ރާއްޖެއަށް ގެނެސް މަގުމައްޗަށް ދޫކޮށްލާ މައްސަލަ ބޮޑުވެފައިވާއިރު، ވަކި ބާވަތެއްގެ މަސައްކަތްކުރުމަށް ސައިޓުތައް ރަޖިސްޓްރީކޮށް އެކަމުގެ ފައިދާ ނަހަމަގޮތުގައި ބައެއް ފަރާތްތަކުން ނަގަމުންދާކަމަށް ކަމާބެހޭ ފަރާތްތަކުން ފާހަގަކުރެއެވެ. އެހެންކަމުން ގަވާއިދާ އެއްގޮތަށް ރާއްޖޭގެ މަސައްކަތްކުރުމުގެ މާޙައުލުގެ ކަންކަން ބައްޓަންކޮށް ބިދޭސީން ގަވާއިދުގެ ތެރެއިން މަސައްކަތްކުރުމަށް ބާރުއެޅުމަށް ގަވާއިދަށް ބަދަލުގެނެސް އުސޫލުތައް ދަނީ ބަދަލުކޮށް ނިޒާމު ހަރުދަނާކުރުމުގެ މަސައްކަތް ކުރަމުންނެވެ.