މި އަހަރުގެ ޕްރެޒިޑެންޓްސް ކަޕް ފުޓްބޯޅަ މުބާރާތުގައި ވާދަކުރާނީ ހަ ޓީމު ކަމަށް ފުޓްބޯޅަ އެސޯސިއޭޝަނުން ނިންމައިފި އެވެ.
އިއްޔެ ބޭއްވި އެފްއޭއެމުގެ އެކްސްކޯ ބައްދަލުވުމުގައި ނިންމާފައިވަނީ މުބާރާތަށް އޮޓެމެޓިކުން މުބާރާތަށް ކޮލިފައިވާނީ ދިވެހި ޕްރެމިއާ ލީގުގެ ގަދަ ހަތަރު ޓީމު ކަމަށެވެ. ބާކީ ދެ ޖާގަ ލިބޭނީ ލީގުގައި ނިމޭއިރު ފަހަކުން ފެށިގެން އަށަކާ ދެމެދުގައި އޮންނަ ހަތަރު ޓީމު ނޮކްއައުޓްކޮށް ކުޅޭ ދެ މެޗުން މޮޅުވާ ދެ ޓީމެކެވެ.
ހަ ޓީމުގެ މެދުގައި މުބާރާތް ކުރިއަށް ގެންދާނީ ދެ ގްރޫޕަކަށް ބަލާހައިގެންނެވެ. ގްރޫޕްތަކަށް ޓީމުތަކަށް ސީޑް ކުރާނީ ލީގު ތާވަލުގެ ވަނައަށް ބަލައިގެންނެވެ. މުބާރާތުގެ ފައިނަލަށްދާނީ ކޮންމެ ގްރޫޕަކުން އެންމެ ކުރި ހޯދާ ޓީމުތައް ސެމީ ފައިނަލުގައި ވާދަކޮށްގެންނެވެ.
މިހެންކަމުން އޮޓެމެޓެކުން މުބާރާތުން މިހާރު ޖާގަ ލިބިފައިވަނީ އެންމެ ފަހުގެ ޗެމްޕިއަން މާޒިޔާ އާއި ނިއުރޭޑިއަންޓާއި ބުރު ސްޕޯޓްސް ކުލަބާއި އޮޑި ސްޕޯޓްސް ކުލަބަށެވެ. ބާކީ ދެ ޖާގައިގެ ތެރެއިން ނޮކްއައުޓް ބުރަށް ހޮވިފައިވަނީ ވިކްޓަރީ އާއި އީގަލްސް އާއި ޓީސީ އެވެ. ނޮކްއައުޓްގެ ބުރުގެ ފަހު ޖާގަ ލިބޭނީ ގްރީން ސްޓްރީޓްސް އާއި ވެލެންސިއާ އާއި ޔުނައިޓެޑް ވިކްޓަރީ ކުރެ ކޮންމެވެސް އެއް ޓީމަކަށެވެ.