އިތުރު ވަގުތުގައި މޮރާޓާ ކާމިޔާބުކޮށްދިން ގޯލުންސްޕޯޓިންގެ މައްޗަށް ރެއާލްމެޑްރިޑް ކުރިހޯދައިފިއެވެ. އެންމެ ފަހުގެ ޗެމްޕިއަންރެއާލްމެޑްރިޑް އަމިއްލަ ދަނޑުގައި ޕޯޗްގަލްގެ ސްޕޯޓިންގެ މައްޗަށް ކުރިހޯދީދެލަނޑު އެއްލަނޑުންނެވެ.
ދެވަނަ ހާފްގައި ފުރަތަމަ ލަނޑު ޖަހާ ލީޑު ނެގީސްޕޯޓިންއިންއެވެ. މިލަނޑު ދެވަނަ ހާފްގެ ވަރަށް ކުރީކޮޅު ކާމިޔާބުކޮށްދިނީ ބްރޫނޯސެޒާއެވެ. ލިބުނު ހިލޭ ޖެހުމަކުން މެޗްގެ 89 ވަނަ މިނެޓްގައިރެއާލްމެޑްރިޑަށް ނަތީޖާ ހަމަހަމަކޮށްދިނީ ކްރިސްޓިއޯނާ ރޮނާލްޑޯއެވެ. މިގޯލަށްފަހުރޮނާލްޑޯ އުފާފާޅު ނުކުރާކަން ފާހަގަކޮށްލެވެއެވެ. ސްޕޯޓިންއަކީ ރޮނާލްޑޯގެ ކެރިއާ ފެށި ކްލަބެވެ.
މެޗްގެ އިތުރު ވަގުތުގެ ފަހު މިނެޓްގައި މެޑްރިޑް މެޗުން މޮޅުވި ލަނޑު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް އަލްވާރޯމޮރާޓާއެވެ. މެޗަށްފަހު ރެއާލްމެޑްރިޑްގެ ކޯޗް ޒިދާން ބުނީ ރެއާލްމެޑްރިޑަކީ ފަހުސިކުންތާ ޖެހެންދެންވެސް މަސައްކަތްކުރާ ކްލަބެއް ކަމަށާއި އެކަން އެންމެރަނގަޅަށް ފެންނާނީ ޗެމްޕިއަންސް ލީގުން ކަމަށެވެ. މީގެ އިތުރުން ޒިދާން ވަނީ ބަދަލުކުޅުންތެރިންގެ ގޮތުގައި ކުޅެން ނުކުތް ހަމޭޒް، ވަސްކޭޒް އަދި މޮރާޓާއަށްތަޢުރީފްކޮށްފައެވެ. ޒިދާން ބުނީ މެޗް ރެއާލް ކޮޅަށް ބަދަލުކޮށްލީ ބަދަލު ތަކުގެސަބަބުން ކަމަށެވެ.