ދެކުނު އޭޝިއާ މުބާރާތަށްދާ ބެޑްމިންޓަން ޓީމު އެކުލަވާލައިފި

ސައުތު އޭޝިއާ ރީޖަނަލް ޗެމްޕިއަންޝިޕް 2026 ގައި ރާއްޖެ ތަމްސީލު ކުރާ ބެޑްމިންޓަން ކުޅުންތެރިން ކަނޑައަޅާ ޓީމު އެކުލަވާލައިފިއެވެ.

ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) އިން ޕީއެސްއެމް ނިއުސްއަށް މައުލޫމާތުދީފައިވާ ގޮތުގައި އޭޕްރީލް 1-7 އަށް ޕާކިސްތާނުގެ އިސްލާމްއާބާދުގައި ބާއްވާ މި މުބާރާތަށް ދިވެހި ޓީމު ފުރުމަށް ހަމަޖެހިފަވަނީ މިމަހުގެ 30 ގައެވެ.

މި މުބާރާތުގައި ރާއްޖެއިން ވާދަކުރާނީ 23 އަހަރުން ދަށް، 19 އަހަރުން ދަށް އަދި 16 އަހަރުން ދަށުގެ އުމުރުފާތަކުގައެވެ.

ސައުތު އޭޝިއާ ރީޖަނަލް ޗެމްޕިއަންޝިޕަށް ހޮވިފައިވާ ކުޅުންތެރިން

16 އަހަރުން ދަށް - ފިރިހެން 1. ރިޝާމް އަބްދުލްފައްތާހު - ރިވައިވަލް ސްޕޯޓްސް އޭދަފުށި 2. މުހައްމަދު އައިދިން އަންވަރު - ރިވައިވަލް ސްޕޯޓްސް 16 އަހަރުން ދަށް - އަންހެން 1. ޔަލްވީ ހުސެއިން ޒުހުރީ - ބީއޭއެމް 2. ލައިބާ އަޙްމަދު މަޙްލޫފް - ބީއޭއެމް 19 އަހަރުން ދަށް - ފިރިހެން 1. އަޙްމަދު ފަލަހް - ބީއޭއެމް 2-އިބްރާހިމް ނާޝިތު ހަމްދީ - ނައިފަރު ބެޑްމިންޓަން އެކަޑަމީ 19 އަހަރުން ދަށް - އަންހެން 1. ކިޔާން އާދިލް މުހައްމަދު - ބީއޭއެމް 2. އައިމިނަތު ފަރްހާ ފަރޫޒާން - ބީއޭއެމް 23 އަހަރުން ދަށް - ފިރިހެން 1. އާދަމް މަހީން މުޙައްމަދު - ރިވައިވަލް ސްޕޯޓްސް 2. އަޙްމަދު އަޔާން ބިން މުޙައްމަދު - ރިވައިވަލް ސްޕޯޓްސް 23 އަހަރުން ދަށް - އަންހެން 1. އައިޝަތު ޒޯޔާ ހަސަން - ބީއޭއެމް 2. ޝުބާ މުޙައްމަދު ޝަރީފް - ބީއޭއެމް

ބީއޭއެމްއިން ބުނީ މިއަހަރުގެ ގައުމީ ޓީމު މިމުބާރާތަށް ތައްޔާރުކުރާނީ ކޮރެެއާގެ ކޯޗު ޔަންގް ކަމަށެވެ. އަދި އެސޯސިއޭޝަނުގެ ކޯޗުންނާއި ޓެކްނިކަލް ސްޓާފުންވެސް ކުޅުންތެރިން މުބާރާތަށް ތައްޔާރުކުރުމަށް އެހީތެރިވެދޭނެ ކަމަށެވެ.

މި މުބާރާތަށް ހޮވިފައިވާ ޖުމްލަ 12 ކުޅުންތެރިންގެ ތެރޭގައި ހިމެނެނީ، ބެޑްމިންޓަން އެސޯސިއޭޝަނުގެ 7 ކުޅުންތެރިންނާއި، ރިވައިވަލް ސްޕޯޓްސްގެ 3 އެތުލީޓުންނާއި ރިވައިވަލް ސްޕޯޓްސް އޭދަފުށީގެ 1 ކުޅުންތެރިއަކާއި ބެޑްމިންޓަން ނައިފަރު އެކަޑަމީގެ ކުޅުންތެރިއެކެވެ.