މިއަހަރުގެ ދަނޑުވެރިންގެ ދުވަހާ ގުޅުވައިގެން މަޢުރަޒެއް ފަށައިފި

މިއަހަރުގެ ދަނޑުވެރިންގެ ދުވަހާއި ގުޅުވައިގެން ބާއްވާ ދަނޑުވެރިކަމުގެ މަޢުރަޒު މިއަދު ފަށައިފިއެވެ. img:http://s2.psmnews.mv/images/660x400/14761252030468.jpg|ދަނޑުވެރިކަމުގެ ދުވަހާއި ގުޅުވައިގެން ފެށި މައުރަޒުގެ ތެރެއިން - ފޮޓޯ: ޕީއެސްއެމް

މިއަދުން ފެށިގެން 3 ދުވަހުގެ މުއްދަތަށް ދަރުބާރުގޭގައި ކުރިއަށްދާ މި މަޢުރަޒު ހުޅުއްވައިދެއްވީ މިނިސްޓަރ އޮފް ޖެންޑަރ އެންޑް ފެމިލީ އައިމިނަތު ޒެނީޝާ ޝަހީދު ޒަކީއެވެ. img:http://s3.psmnews.mv/images/660x400/14761252253641.jpg|ދަނޑުވެރިކަމުގެ ދުވަހާއި ގުޅުވައިގެން ފެށި މައުރަޒުގެ ތެރެއިން - ފޮޓޯ: ޕީއެސްއެމް

މި މަޢުރަޒުގައި، ވިޔަފާރި އުސޫލުން ފުޅާ ދާއިރާއެއްގައި ދަނޑުވެރިކަން ކުރާ ފަރާތްތަކާއި ކޯޕަރޭޓިވް ސޮސައިޓީތަކާއި ހިލޭ ސާބަހަށް މަސައްކަތްކުރާ ކާނާގެ ބާވަތްތައް އުފައްދާ ފަރާތްތަކާއި އަދި ދައުލަތުގެ އެކި މުއައްސަސާތައް ހިމެނޭ ގޮތަށް ޖުމްލަ 12 ފަރާތަކުން ބައިވެރިވެއެވެ. img:http://s1.psmnews.mv/images/660x400/14761252433327.jpg|ދަނޑުވެރިކަމުގެ ދުވަހާއި ގުޅުވައިގެން ފެށި މައުރަޒުގެ ތެރެއިން - ފޮޓޯ: ޕީއެސްއެމް

މިއަހަރުގެ ދަނޑުވެރިކަމުގެ މަޢުރަޒުގެ ތީމަކީ މިއަހަރުގެ ދަނޑުވެރިންގެ ދުވަހުގެ ޝިޢާރުކަމުގައިވާ މޫސުމަށް އަންނަ ބަދަލުތަކާއިއެކު ދަނޑުވެރިކަމަށާއި ކެއުމުގެ ވައްޓަފާޅިއަށްވެސް ބަދަލު ގެންނަން ޖެހޭ މި ޝިޢާރެވެ.