ކުޅިވަރު ހަރުގެއާއި ޔޫތު ހެލްތު ކެފޭ ޔޫތު މިނިސްޓަރ އިރުތިޝާމް އާދަމް މިއަދު ހުޅުއްވާދެއްވައިފިއެވެ.
ޒުވާނުންގެ މަރުކަޒުގައި ކުޅިވަރު ހަރުގެ ހުޅުއްވާ ދެއްވުމަށްފަހު މިނިސްޓަރ އިރުތިޝާމް އާދަމް ވިދާޅުވީ ޒުވާނުންނަކީ ދުޅަހެޔޮ ބަޔަކަށް ހެދުމަށް އަދުގެ ސަރުކާރުން ގިނަގުނަ މަސައްކަތްތަކެއް ކުރައްވާ ކަމަށެވެ. އެގޮތުން ސަރުކާރުގެ ބަޖެޓުން ބޮޑު އިންސައްތައެއް ޒުވާނުންނަށްޓަކާ ޚަރަދު ކުރައްވާ ކަމަށް މިނިސްޓަރ ވިދާޅުވިއެވެ. މީގެ އިތުރުން ޒުވާނުންގެ ކުޅިވަރު ހަރުގެ އަލުން ހުޅުވިއިރު މިތަނަކީ ޒުވާނުން ދުންފަތާ ނުރަނގަޅު އާދަތަކުން ދުރުހެލިވާގޮތައް ފަރުމާކުރެވިގެން ހެދިފައިވާ ތަނެއްކަން މިނިސްޓަރ ފާހަގަކުރެއްވިއެވެ.
" ކުޅިވަރު ހަރުގެ ފަރުމާ ކުރެވިފައިވާ ގޮތުން މިތަނުން ޒުވާނުންނަށް ދުންފަތާ ނުރަނގަޅު އާދަތަކުން ދުރުހެލިވާން އިތުރަށް މަގުފަކި ވެގެންދާނެ" މިނިސްޓަރ ވިދާޅުވިއެވެ.
މިއަދު ހުޅުވި ކުޅިވަރު ހަރުގޭގައި ބިލިއާޑް، ޑާޓް އަދި ކެރަމް ކުޅެވޭނެ އިންތިޒާމް ހަމަޖެހިފައިވާއިރު ކުޅިވަރު ހަރުގެ ވަނީ އޭސީ ކޮށްފައެވެ. ކުރިންވެސް ބޭނުންކުރަމުން އައި ޒުވާނުންގެ މަރުކަޒުގެ ކުޅުވަރު ކުޅޭ ސަރަހައްދު އަލުން މަރާމާތުކޮށް މިއަދު ހުޅުވިއިރު މިތަނަށް އެއް މިލިއަނަށްވުރެ ގިނަ ރުފިޔާ ޚަރުދުކޮށްފައިވާ ކަމަށް ޔޫތު މިނިސްޓަރ ވިދާޅުވިއެވެ.
ޔޫތު ހެލްތް ކެފޭ ހުޅިވިއިރު މިތަނުން ސިއްޚީ ހާތަލު ދެނެގަތުމާ، ހެލްތު ސްކްރީނިންގ އަދި ސިއްޚީ ލަފަޔާ އިރުޝާދާ ކައުންސިލިން ދޭނެ ކަމަށް މިނިސްޓަރ ވިދާޅުވިއެވެ.