ޚަބަރު
ގ.ކްރެބް ޓްރީ ގޭގައި އަލިފާން ރޯވީ ސޮކެޓެއްގައި ރޯވެގެން
-
ރޯވީ ކޮޓަރިއެއްގައި، މީހަކަށް ގެއްލުމެއްނުވެ
-
ކޮޓަރީގެ ބައެއް ތަކެއްޗަށް ވަނީ ގެއްލުންވެފައި
އަލިފާން ރޯވި ގ.ކްރެބް ޓްރީ ގޭގެ ކޮޓަރި. ފޮޓޯ:އެމްއެންޑީއެފް
ގ.ކްރެބް ޓްރީ ގޭގެ ކޮޓަރިއެއްގައި ހުރި ކަރަންޓް ސޮކެޓެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެ ނިއްވާލައިފިއެވެ.
މި ހާދިސާގެ މައުލޫމާތު މިއަދު 12:09 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު، މާލޭ ފަޔަރ ސްޓޭޝަންގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. ފަޔަރ ފައިޓަރުން ކުރި މަސައްކަތުން އަލިފާންގަނޑު ނިއްވާލާފައިވަނީ، މިއަދު 12:25 ހާއިރުކަމަށް އެމްއެންޑީއެފުން ވިދާޅުވެއެވެ.
މި ހާދިސާގައި އެ ކޮޓަރީގެ ބައެއް ތަކެއްޗަށް ވަނީ، ގެއްލުން ލިބިފައެވެ. ހާދިސާގެ ސަބަބުން އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައެއް ނުވެއެވެ.