ޓެކްސް ދެއްކުމުގެ މުހިއްމު ސުން ގަޑިތަކެއް ޖެހެމުންދާތީ، އެކަމަށް ސަމާލުވުމަށް ދައުލަތުގެ ޓެކްސް އިދާރާއިން އިލްތިމާސްކޮށްފިއެވެ.
މޯލްޑިވްސް އިންލަންޑް ރެވެނިއު އޮތޯރިޓީ، މީރާއިން ވިދާޅުވީ މި މަހުގެ 15 ވަނަ ދުވަހުގެ ނިޔަލަށް ހަތަރު ބާވަތެއްގެ ޓެކްސް ދެއްކުމުގެ ސުންގަނޑި ހަމަވާނެކަމަށެވެ. މީގެ ތެރޭގައި ހިމެނެނީ، މިދިއަ އޮކްޓޯބަރ މަހުގެ ޑިއުޓީ ފްރީ ރޯޔަލްޓީ ފައިސާގެ ގޮތުގައި ދައުލަތަށް ދައްކަންޖެހޭ ފީ އާއި، ނޮވެމްބަރުމަހުގެ ވިޔަފާރީގެ ފީއާއި އޮކްޓޯބަރުމަހުގެ ވިތްހޯލްޑިންގ ފީގެ އިތުރުން އޮކްޓޯބަރުމަހުގެ ރެމިޓަންސް ޓެކްސް ރިޓާންއެވެ.
މީގެ ތެރެއިން އޮކްޓޯބަރ މަހުގެ ޑިއުޓީ ފްރީ ރޯޔަލްޓީ ފީއާއި ނޮވެމްބަރުމަހުގެ ވިޔަފާރީގެ ފީ، ދެއްކުމުގެ ސުންގަޑިއަކީ މިމަހުގެ ދިހަވަނަ ދުވަހެވެ. އަދި އޮކްޓޯބަރު މަހުގެ ވިތްހޯލްޑިންގ ފީ އާއި އޮކްޓޯބަރުމަހުގެ ރެމިޓަންސް ޓެކްސް ރިޓާން ހުށަހެޅުމުގެ ސުންގަޑިއަކީ މިމަހުގެ ފަނަރަވަނަ ދުވަހެވެ.
މީރާއިން ވިދާޅުވީ ކަނޑައެޅިފައިވާ ތާރީހަށް ޓެކްސްބަޔާންތައް ހުށަނާޅައިފިނަމަ ހަމަޖެހިފައިވާ އުސޫލްގެމަތިން ޖޫރިމަނާވާނޭކަމަށެވެ.