އޭޝިއަން ގޭމްސް ކްރިކެޓް މުބާރާތުގެ ޗެމްޕިއަންކަން އިންޑިޔާއިން ހޯދައިފި އެވެ.
މިދިޔަ މަހުގެ 19 އިން މާދަމާގެ ނިޔަލަށް ޖަޕާނުގައި ބާއްވާ ގޭމްސްގެ ކްރިކެޓް ޗެމްޕިއަންކަން އިންޑިއާ ހޯދީ ހޮނިހިރު ދުވަހު ކުޅުނު ފައިނަލް މެޗުގައި ވާދަވެރި ޕާކިސްތާނާ ބައްދަލުކޮށް 19 ލަނޑުން މެޗު ކާމިޔާބު ކޮށްގެންނެވެ.
ޖުމުލަ 20 އޯވަރަށް ކުޅުނު މުބާރާތުގެ ފައިނަލް މެޗުގައި ފުރަތަމަ ކުޅެން ނުކުތީ އިންޑިއާ އެވެ. އެ ގައުމުން އިނިންގްސް ނިންމާލީ ޖުމުލަ ހަ ވިކެޓަށް 211 ލަނޑު ހަދައިގެންނެވެ. ޖަވާބުގައި ނުކުމެ ޕާކިސްތާނަށް 20 އޯވަރު ތެރޭގައި ހެދުނީ 192 ލަނޑެވެ.
އިންޑިއާއިން އެންމެ މޮޅަށް ކުޅުނީ ބައި ސައްތަ ހެދި އަބީޝެކް ޝަރުމާ އެވެ. އޭނާ ނުބައިވީ ޖުމުލަ 61 ލަނޑު ހެދި ފަހުންނެވެ. މީގެ އިތުރުން ތިލަކް ވަރްމާ ވެސް ވަނީ 22 ބޯޅައިން ނުބައިނުވެ 51 ލަނޑު ހަދައިފަ އެވެ. ޕާކިސްތާނުން އެންމެ ރަނގަޅަށް ކުޅުނީ 96 ލަނޑު ހެދި ހަސަން ނަވާޒެވެ. ނަމަވެސް ސައީމް އަޔޫބަށް އެކަށީގެންވާ ކުޅުމެއް ނުދެއްކުނެވެ. ޕާކިސްތާނުގެ އެންމެ އިތުބާރު ބެޓްސްމަން ކަމަށް ގިނަ ބަޔަކު ދެކުނު ކުޅުންތެރިޔާ އަށް ހެދުނީ 22 ބޯލައިން އެންމެ 29 ލަނޑެވެ.
މި މެޗުގައި ޕާކިސްތާނަށް ދެން އެންމެ ބޮޑު މައްސަލައަކަށް ދިމާވީ އެ ޓީމުގެ ސާދް މަސްއޫދަށް ހާނިއްކަ ވުމެވެ.
ފިރިހެން ބައިގެ ޗެމްޕިއަންކަން އިންޑިއާ ހޯދިއިރު މުބާރާތުގެ މުބާރާތުގެ ތިން ވަނަ ހޯދާފައިވަނީ ސްރީލަންކާ އެވެ. އެ ގައުމުން ރަންވަންލޯ މެޑަލް ހާސިލް ކުރީ ތިން ވަނަ ހޮވި މެޗުގައި ބަނގްލަދޭޝްގެ މައްޗަށް 63 ލަނޑުން ކުރި ހޯދައިގެންނެވެ. މި މެޗުގައި ސްރީލަންކާ ކުޅެން ނުކުމެ 20 އޯވަރު ތެރޭގައި 165 ލަނޑު ހެދިއިރު ޖަވާބުގައި ބަނގްލަދޭޝް އަށް 17 އޯވަރުގެ ތެރޭގައި ހުރިހާ ކުޅުންތެރިން ނުބައިވެގެން ހެދުނީ 102 ލަނޑެވެ.
މި މުބާރާތުގެ އަންހެން ބައިގެ ޗެމްޕިއަންކަން ހޯދީ ވެސް އިންޑިޔާ އެވެ. އެއީ ފައިނަލުގައި 147 ލަނޑުން ސްރީލް ކަންކާ ބަލިކޮށްފަ އެވެ.