ވޭތުވެދިޔަ ހަފްތާގައި މާލޭ މާރުކޭޓަށް އަތޮޅުތަކުން އެންމެ ގިނައިން ދަނޑުވެރިކަމުގެ ބާވަތްތައް ގެނެސްފައިވަނީ، އއ.އަތޮޅުންކަމަށް މިނިސްޓްރީ އޮފް ފިޝަރީޒް އެންޑް އެގްރިކަލްޗަރގެ ތަފާސް ހިސާބުތަކުން ދައްކައިފިއެވެ.
އެ މިނިސްޓްރީން މި ތަފާސްހިސާބުތައް ނަންގަވާފައިވާ މިދިޔަ ހަފްތާގެ އާދިއްތަ ދުވަހުން ފެށިގެން ބުރާސްފަތިދުވަހާ ދެމެދުއެވެ.
މިނިސްޓްރީ އޮފް ފިޝަރީޒް އެންޑް އެގްރިކަލްޗަރުން ނެރެފައިވާ ތަފާސްހިސާބުތައް ދައްކާގޮތުން މާރުކޭޓުގައި ހުރި ބާވަތްތަކުގެ %57 ހިއްސާކުރަނީ އއ. އަތޮޅުން ގެނައި ބާވަތްތަކެވެ. ދެން އެންމެ ގިނައިން ދަނޑުވެރިކަމުގެ ބާވަތްތައް ގެނެސްފައިވަނީ ލ. އަތޮޅުންނެވެ. އެއީ %25 އެވެ. ގދ. އަތޮޅުން %11 ޙިއްޞާކުރާއިރު ށ. އަތޮޅުން %3 ޙިއްޞާކުރެއެވެ. އަދި ބ. އަތޮޅުން %2 ޙިއްޞާކުރާއިރު މިއީ އެހެނިހެން އަތޮޅުތަކުންވެސް މާލޭ މާރުކޭޓަށް ވޭތުވެދިޔަ ހަފްތާގައި ދަނޑުވެރިކަމުގެ ބާވަތްތައް ގެނެސްފައިވާ އިންސައްތަކަން ފާހަގަކޮށްލެވެއެވެ.
އަތޮޅުތަކުން މާލެ، ގެނެސްފައިވާ ދަނޑުވެރިކަމުގެ މައިގަނޑު ބާވަތްތަކަކީ އެހެން ފަހަރުތަކެކޭވެސް އެއްފަދައިން ބަށި، ބަރަބޯ، ކަރާ، ކާށި، ކިޔުކަންބާ، ފަޅޯ، ކުރުނބާ، ފަތްކެޔޮ، ގިތެޔޮ މިރުސް، ޗައިނީސް ކެބެޖެވެ.
މި ބާވަތްތަކުގެ ތެރެއިން މާލޭ މާރުކޭޓަށް އެންމެ ގިނައިން ފަޅޯ ގެނެސްފައިވަނީ ވޭތުވެދިޔަ ހަފްތާގެ ބުރާސްފަތި ދުވަހުއެވެ.