ބަންގްލަދޭޝް އަތުން ބަލިވެ ރާއްޖެއަށް ފައިނަލްގެ ފުރުސަތު ގެއްލިއްޖެއެވެ.
ސާފް ވިމެންސް ޗެމްޕިއަންޝިޕްގެ ސެމީ ފައިނަލްގައި ރާއްޖެއާ ބަންގްލަދޭޝް މިއަދު ވާދަކުރި މެޗް ބަންގްލަދޭޝް ކާމިޔާބުކުރީ 6 ލަނޑު ސުންލަނޑުންނެވެ. ފައިނަލްގެ ދެވަނަ ޖާގަ ނޭޕާލް ބަލިކޮށް ހޯދީ އިންޑިއާއެވެ. އިންޑިއާގައި މިހާރު ކުރިއަށްދާ ސާފް ވިމެންސް ޗެމްޕިއަންޝިޕް ރާއްޖެއަށް ނިމުނުއިރު ރާއްޖެ ވަނީ ފުރަތަމަ ފަހަރަށް މިމުބާރާތުގެ ސެމީ ފައިނަލުން ޖާގަ ހޯދާފައެވެ. ރާއްޖެ ސެމީއިން ޖާގަ ހޯދީ ގްރޫޕް ސްޓޭޖްގައި ލަންކާ އަދި ބޫޓާން ބަލިކޮށްގެންނެވެ. ގްރޫޕް ސްޓޭޖްގައި ރާއްޖެ ބަލިވީ ނޭޕާލް އަތުންނެވެ.
ފައިނަލްގައި އިންޑިއާ އަދި ބަންގްލަދޭޝް ވާދަކުރާނީ މިމަހުގެ 4 ވަނަ ދުވަހުއެވެ. މިދެޓީމް ގްރޫޕް ސްޓޭޖްގައި ކުޅުނު މެޗް ނިމުނީ ލަނޑެއް ނުޖެހިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ