ފްރާންސްގެ ލިޔޯންއަށް ޔުނައިޓެޑްގެ މެމްފިސް ޑިޕާއީ ވިއްކާލުމަށްމެންޗެސްޓަރ ޔުނައިޓެޑުން އެއްބަސްވެއްޖެއެވެ. 2015ވަނަ އަހަރު ނެދަރލެންޑްސްގެ ޕީއެސްވީއިން މެންޗެސްޓަރ ޔުނައިޓެޑާ ގުޅުނު ޑިޕާއީ ޔުނައިޓެޑަށް ކުޅެދިން 53 މެޗްގައި ޖަހާފައިވަނީ ހަތް ގޯލެވެ.
ވެން ހާލް ޔުނައިޓެޑަށް ކޯޗްކަންކޮށްދިންއިރު އެކްލަބަށް ގެނައި ޑިޕާއީއަށް މިހާރުގެ ކޯޗް މޮރީނިއޯ މާބޮޑު ސަމާލުކަމެއް ދީފައެއް ނުވެއެވެ. ފްރާންސްގެ ލިޔޯންއަށް ޑިޕާއީ ވިއްކާލަން ޔުނައިޓެޑުނއެއްބަސްވީ 21 މިލިއަން ޕައުންޑަށެވެ. މީގެ އިތުރުން ޔުނައިޓެޑުން ޑިޕާއީ ވިއްކާލަން އެއްބަސްވެފައިވަނީ އެކްލަބުން ބޭނުންވާ ކަންތައްތަކެއްވެސް ކޮންޓްރެކްޓްގައިހިމަނައިގެންނެވެ. އޭގެ ތެރޭގައި ލިޔޯން ޗެމްޕިއަންސް ލީގަށް ކޮލިފައިވެއްޖެ ނަމަ ޑިޕާއީއަށް އައު ކޮންޓްރެކްޓެއް ދިނުމާއި، ޔުނައިޓެޑް ބޭނުންވާ ވަގުތަކު ކުޅުންތެރިޔާ އަލުންގަނެވުން ހިމެނެއެވެ.
މެމްޕިސް ޑިޕާއީއަކީ މި ޖެނުއަރީގައި ޔުނައިޓެޑުން ވިއްކާލަން ނިންމި ދެވަނަ ކުޅުންތެރިޔާއެވެ. އެކްލަބުން ވަނީ މިދިޔަ ހަފްތާގައި މެދުތެރެއަށް ކުޅޭ މޯގަން ސްނައިޑަލިން އެވަޓަންއަށް ވިއްކާލާފައެވެ.