ޑިއޭގޭ ކޯސްޓަ ޗެލްސީގައި މަޑުކުރާނެ ކަމަށް ޗެލްސީގެ ކޯޗް އެންތޯނިއޯ ކޮންޓޭ ބުނެފިއެވެ.
ރޭ ހަލްސީގެ މައްޗަށް ދެލަނޑު ސުންލަނޑުން ކުރިހޯދި މެޗަށްފަހު ކޯޗް ކޯންޓޭ ބުނީ އެކްލަބްގެ ފޯވާޑް ކޯސްޓާ ކްލަބް ދޫކޮށް ދާން ބޭނުންވި މައްސަލަ މިހާރު ހައްލުވެއްޖެ ކަމަށާއި، ކޯސްޓާ ޗެލްސީގައި މަޑު ކުރާނެ ކަމަށެވެ. އަދި ރޭގެ މެޗްގައި ކޯސްޓާ ޖެހި ގޯލާއެކު އޭނާ ކްލަބްގައި ހުންނާނެކަމުގެ ޔަޤީންކަން ސަޕޯޓަރުންނަށް ލިބިގެންދިޔަ ކަމަށް ކޮންޓޭ ބުންޏެވެ.
" ކޮސްޓޭ ރޭގަ ޔަޤީންކަން ދީފި ސަޕޯޓަރުންނަށް އޭނާ ކްލަބްގައި މަޑުކުރާނެ ކަމުގެ. ކޯސްޓާއަކީ ޗެލްސީއަށް މުހިންމު ކުޅުންތިއެއް" ކޮންޓޭ ބުންޏެވެ.
ޗައިނާ ލީގުން ކޯސްޓާ ހޯދުމަށް ޝައުޤުވެރިކަން ފާޅުކުރުމާއެކު ކޯސްޓާ ޗެލްސީ ދޫކޮށް ދާނެކަމަށް ބެލެވުނެވެ. އަދި މިދިޔަ ހަފްތާގައި ޗެލްސީ ލިގިގައި ކުޅުނު މެޗްގެ ސްކޮޑުންވެސް ކޯސްޓާ ފެނިފައެއް ނުވެއެވެ. ޗެލްސީގެ ކޯޗް ކޮންޓޭ ބުނީ ކޯސްޓާ އަކީ މިސީޒަނުގައި ޗެލްސީއަށް ކާމިޔާބު ހޯދަދޭނެ ކުޅުންތެރިޔާ ކަމަށެވެ. އަދި އޭނާ ކްލަބް ދޫކޮށް ދާނެ ކަމަށް ދެކެވުނު ވާހަކަތަކަށް މިހާރު ނިމުން އައިސްފައިވާ ކަމަށްވެސް ކޮންޓޭ ބުންޏެވެ.
ހަލްސިޓީ ބަލިކޮށް ޕްރިމިއަރ ލީގު ތާވަލްގެ އެއްވަނައިގައި ޗެލްސީއިން ވަނީ 8 ޕޮއިންޓްގެ ލީޑެއް ނަގާފައެވެ. ރޭ އަމިއްލަ ދަނޑުގައި ކުޅުނު މެޗް ޗެލްސީ ކާމިޔާބުކުރީ ދެލަނޑު ސުންލަނޑުންނެވެ. މެޗްގެ ފުރަތަމަ ލަނޑު ފުރަތަމަ ހާފްގެ އިތުރު ވަގުތުގައި ޗެލްސީއަށް ކާމިޔާބުކޮށްދިނީ ޑިއޭގޯ ކޯސްޓާއެވެ. ދެވަނަ ލަނޑު ދެވަނަ ހާފްގައި ކާމިޔާބުކޮށްދިނީ ގެރީ ކޭހިލްއެވެ.