މޯލްޑިވްސް ޕޯޓްސް ލިމިޓެޑް، އެމްޕީއެލްގެ ސީއީއޯގެ މަޤާމަށް, އިބްރާހިމް އަބުދުލް ރައްޒާގް ހަލީމް ހަމަޖައްސަވައިފިއެވެ.
މަޢުލޫމާތު ލިބިފައިވާގޮތުގައި އެމްޕީއެލްގެ ސީއީއޯގެ މަޤާމަށް ރައްޒާގް ހަމަޖައްސަވާފައިވަނީ މިއަދުގެ ވަގުތެއްގައެވެ.
އެމްޕީއެލްގެ ސީއީއޯގެ މަޤާމަށް އާ ބޭފުޅަކު އައްޔަނުކުރައްވާފައިވަނީ، މިހާތަނަށް އެމަޤާމުގައި ހުންނެވި، މުޙައްމަދު ޖުނައިދު މަޤާމުން އިސްތިއުފާދެއްވުމާގުޅިގެންނެވެ.
އެމްޕީއެލްގެ ސީއީއޯގެ މަޤާމަށް އައްޔަނުކުރެއްވި އިބްރާހިމް ޢަބުދުލް ރައްޒާގް ޙަލީމް މިހާތަނަށް ހުންނެވީ އެމްއާރުޑީސީގެ މެނޭޖިންގ ޑިރެކްޓަރުގެ މަޤާމުގައެވެ.
އިބްރާހިމް އަބުދުލް ރައްޒާގް ހަލީމް ވަނީ މީގެކުރިން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ ސީއީއޯގެ މަޤާމުވެސް ފުރުއްވާފައެވެ.
img:http://s3.psmnews.mv/images/660x400/8701.jpg|މުޙައްމަދު ނިމާލް -ފައިލް ފޮޓޯ: ޕީއެސްއެމް ނިއުސް
މީގެ އިތުރުން އެމް.އާރު.ޑީ.ސީގެ މެނޭޖިންގް ޑިރެކްޓަރގެ މަޤާމަށްވެސް ބޭފުޅަކުވަނީ އައްޔަންކުރައްވާފައެވެ. އެ މަޤާމަށް އައްޔަންކުރައްވާފައިވަނީ މުޙައްމަދު ނިމާލެވެ.