ހިންދީ ފިލްމަތައް ބަލާލުމަށް ބޮލީވުޑްގައި މަގްބޫލް އެންޓަޓެއިންމަންޓް ޕްލެޓްފޯމެއް ކަމަށްވާ ސްޕޫލް އުރީދޫއިން ރާއްޖެއަށް ތައާރަފްކޮށްފިއެވެ.
ސްޕޫލް ޙިދުމަތަކީ ވެބްސައިޓް އަދި މޯބައިލް އެޕް މެދުވެރިކޮށް ބޮލީވުޑް ފިލްމް ބެލޭ ޚިދުމަތެކެވެ. ސްޕޫލް މެދުވެރިކޮށް ދިހަ ހާސް ގަޑިއިރުގެ ފިލްމް ބެލެއެވެ. އަދި ސްޕޫލްގައި ހިންދީ އެންމެފަހުގެ ފިލްމްތަކާއި ކުރީގެ ފިލްމްތައްވެސް ހިމެނެއެވެ. އުރީދޫ މޯލްޑިވްސްގެ އެސިސްޓަންޓް މެނޭޖަރ ނޫރާ މުޙައްމަދު ވިދާޅުވީ، އެކުންފުނީގެ ކަސްޓަމަރުންނަށް މިހާރު ސްޕޫލްގެ ޕްރީމިއަމް ވަރޝަން އަށް އަޕްގްރޭޑް ކުރުމާއިއެކު، ސްޕޫލްއިން ފޯރުކޮށްދޭ ހުރިހާ ހިދުމަތެއް ލިބިގެންދާނެ ކަމަށެވެ.
އުރީދޫއިން އަލަށް ތައާރަފްކުރި ސްޕޫލާއި އެކު އެ ހިދުމަތް ބޭނުންކުރުމަށް 4 ޕެކޭޖެއްވެސް ވަނީ ތައާރަފްކޮށްފައެވެ. އެގޮތުން މި ޕެކޭޖްތަކުގެ ތެރޭގައި އެއްދުވަހުގެ ޕެކޭޖާއި 10 ދުވަހުގެ ޕެކޭޖާއި 1 މަސްދުވަހުގެ ޕެކޭޖާއި 3 މަސްދުވަހުގެ ޕެކޭޖް ހިމެނެއެވެ.