ހޮނޑާފުށީގައި ތަރައްޤީކޮށްފައިވާ ރިސޯޓް / ފޮޓޯ: ތްރީއޭ ރިސޯޓްސް
ހދ. އަތޮޅު ހޮނޑާފުށީގައި ތަރައްޤީކުރާ ރިސޯޓު އަންނަ މަހުގެ ތެރޭގައި ހުޅުވުމަށް ހަމަޖެހިފައިވާކަމަށް ތްރީ އޭ ކުންފުނިން ބުނެފިއެވެ.
ހޮނޑާފުށި ރިސޯޓު ތަރައްޤީކުރާ ތްރީ އޭ ކުންފުނިން ބުނީ ހޮނޑާފުށި ރިސޯޓު ފުރަތަމަ ހުޅުވާނީ އަށްޑިހަ ކޮޓަރީގެ ރިސޯޓެއްގެ ގޮތުގައި ކަމަށެވެ. ހަތަރު ތަރީގެ މި ރިސޯޓަށް ކޮންމެ އަހަރެއްގައިވެސް ސަތޭކަ ކޮޓަރި އިތުރުކުރަމުންދާނެ ކަމަށާއި، އެގޮތުން ރިސޯޓުގެ މަސައްކަތް އެއްކޮށް ނިމެނޭއިރު، ރިސޯޓުގައި ހަތަރު ސަތޭކަ ކޮޓަރި ހުންނާނެ ކަމަށް ތްރީ އޭ އިން މައުލޫމާތުދެއެވެ.
ތްރީ އޭ އިން މިހާރުވެސް އަންނަނީ ރާއްޖޭގައި ހަތަރު ރިސޯޓު ހިންގަމުންނެވެ. އެއީ ފިލިތެޔޮ އައިލެންޑު ރިސޯޓު، މެދުފުށި އައިލެންޑު ރިސޯޓު، ބަތަލާ އައިލެންޑު އަދި ޒިތާލީ އައިލެންޑު ރިސޯޓެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ