އިނގިރޭސިވިލާތުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ޖޭމްސް ދައުރިޒްއާއި, އިކޮނޮމިކް މިނިސްޓަރ މުޙައްމަދު ސަޢީދު ބައްދަލުކުރައްވައިފިއެވެ.
އިކޮނޮމިކް މިނިސްޓްރީގައި ބޭއްވި މި ބައްދަލުވުމުގައި މައިގަނޑުގޮތެއްގައި ދެ ބޭފުޅުން މަޝްވަރާކުރައްވާފައިވަނީ، އިނގިރޭސިވިލާތާއި ދިވެހިރާއްޖެއާ ދެމެދު އޮތް އިޤްތިޞާދީ ގުޅުމާއި ބެހޭގޮތުންނެވެ. މި ބައްދަލުވުމުގައި ވިޔަފާރިއާއި އިޤްތިޞާދީ ގުޅުން މިހާރަށްވުރެ ފުޅާކުރެވިދާނެ ގޮތްތަކާއިބެހޭގޮތުން ދެ ބޭފުޅުން މަޝްވަރާކުރައްވާފައިވެއެވެ.
tw:https://twitter.com/em_saeed/status/849545501527728129
މި ބައްދަލުކުރެއްވުން ބާއްވަވާފައިމިވަނީ، ދިވެހިރާއްޖެއިން އިނގިރޭސިވިލާތާއެކު މިނިވަން ވިޔަފާރީގެ އެއްބަސްވުމެއް އެކުލަވާލުމަށް މަސައްކަތް ކުރައްވަމުން ގެންދަވާކަން ހާމަކުރައްވާފައިވާ ދަނޑިވަޅެއްގައެވެ.
އިކޮނޮމިކް މިނިސްޓަރު މުޙައްމަދު ސައީދު ވަނީ، ރާއްޖެ ވަޑައިގެން އުޅުއްވާ ޖަޕާނުގެ ފޮރިން މިނިސްޓްރީގެ ވަފުދާވެސް ބައްދަލުކުރައްވާފައެވެ. މި ބައްދަލުވުމުގައި މިނިސްޓަރު ސަޢީދު ވަނީ ޖަޕާނާއެކު އޮތް ވިޔަފާރީގެ ގުޅުން އިތުރުކުރެވިދާނޭ ގޮތްތަކާއި ބެހޭގޮތުން މަޝްވަރާކުރައްވާފައެވެ.