ސްރީލަންކަން އެއަރލައިނުން އައްޑޫ ސިޓީގެ ގަމަށް ކުރާ ދަތުރުތައް އިތުރުކުރުމަށް ނިންމައިފިއެވެ.
ޕީއެސްއެމްއަށް މަޢުލޫމާތުދެމުން ސްރީލަންކަން އެއަރލައިންސްގެ ރާއްޖޭގެ ޖެނެރަލް ސޭލްސް އޭޖެންޓް އިނަ މޯލްޑިވްސްގެ އޮފިޝަލަކު ވިދާޅުވީ، މިއަހަރުގެ ސެޕްޓެމްބަރުމަހުގެ ސަތާރަވަނަ ދުވަހުން ފެށިގެން ސްރީލަންކަންގެ އިތުރު ދެ ފްލައިޓް އައްޑޫ ސިޓީގެ ގަމަށް ބޭއްވުމަށް ނިންމާފައިވާކަމަށެވެ.
img:http://s2.psmnews.mv/images/660x400/14805696252182.jpg|ސްރީލަންކަން އެއަރލައިންގެ ފްލައިޓެއް އައްޑޫ ސިޓީގައި ގަމުގައި / ފޮޓޯ: ޕީއެސްއެމް
ސްރީލަންކަން އިން ދަނީ އައްޑޫ ސިޓީގެ ގަމަށް މިހާރުވެސް ހަފްތާއަކު ހަތަރު ފްލައިޓް ބާއްވަމުންނެވެ. ސްރީލަންކަންއިން އިތުރު ދެ ފްލައިޓް، އައްޑޫ ސިޓީގެ ގަމަށް ބޭއްވުމަށް ނިންމުމުން، އެ އެއަރލައިނުން ކޮލަމްބޯ އާއި ގަމާއި ދެމެދު ކުރާ ދަތުރުތަކުގެ އަދަދު ހަފްތާއަކު ހަ ފްލައިޓަށް އިތުރުވެގެންދާނެއެވެ.
އެ އެއަރލައިންގެ ދަތުރުތައް އައްޑޫ ސިޓީގެ ގަމަށް ފަށާފައިވަނީ މިދިޔަ އަހަރުގެ ޑިސެމްބަރުމަހުގެ އެއްވަނަ ދުވަހުއެވެ.