އުރީދޫ މޯލްޑިވްސްއިން ސެމްސަންގ ގެލެކްސީ އެސް 8 އަދި އެސް 8 ޕްލަސް ވިއްކަން ފަށައިފިއެވެ.
އުރީދޫން ވަނީ މި ދެ ބްރޭންޑްގެ ފޯނު ވިއްކަން ޚާއްސަ ޕެކޭޖްތަކެއްވެސް ތަޢާރަފްކޮށްފައެވެ. މީގެ ތެރޭގައި ސެމްސަންގްގެ އެންމެފަހުގެ ސްމާޓްފޯނާއެކު 36 ޖީބީގެ ހިލޭ ޑޭޓާ ލިބިގެންދާ ދެ ޕެކޭޖް ހިމެނެއެވެ.
މި ޕްލޭން މެދުވެރިކޮށް އުރީދޫގެ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް ހެޔޮ އަގުގައި ފޯނު ގަނެވޭނެއެވެ. އަދި މި ޕެކޭޖްތަކުގެ ދަށުން، އެއް އަހަރުގެ މުއްދަތަށް، މަހަކު 3 ޖިބީ ޑޭޓާ ހިލޭ ލިބިގެންދާނޭކަމަށް އުރީދޫން ބުނެއެވެ.
އުރީދޫން ސެމްސަންގ ގެލެކްސީ އެސް 8 ވިއްކަނީ ބާރަހާސް ހަތަރުސަތޭކަ ނުވަދިހަ ނުވަ ރުފިޔާއަށެވެ. އަދި ސެމްސަންގ ގެލެކްސީ އެސް އެއިޓް ޕްލަސް ވިއްކަނީ ތޭރަހާސް ހަތަރުސަތޭކަ ނުވަދިހަ ނުވަ ރުފިޔާއަށެވެ.
މި ދެ ފޯނުވެސް ޑައުންޕޭމަންޓްގެ ގޮތުގައި ދެހާސްރުފިޔާ ދައްކައިގެން، މަހަކު ނުވަސަތޭކަ ރުފިޔާ ނުވަތަ އެއްހާސް ރުފިޔާ ދައްކާގޮތަށް އުރީދޫ ކަސްޓަމަރުންނަށް ނެގޭގޮތަށް އެކުންފުނިން ވަނީ ހަމަޖައްސާފައެވެ.