އެސްޓީއޯގެ މިދިޔަ އަހަރުގެ ވިޔަފާރީގެ ފައިދާއިން ޙިއްޞާއަކަށް 51 އެއްރުފިޔާ ބެހުމަށް ފާސްކޮށްފިއެވެ.
ޙިއްޞާއަކަށް 51 ރުފިޔާ ބެހުމަށް ނިންމީ، ދަރުބާރުގޭގައި ބޭއްވި އެސްޓީއޯގެ 2016 ވަނަ އަހަރީ އާއްމުޖަލްސާގައި ބައިވެރިވި ޙިއްޞާދާރުންގެ ވޯޓުންނެވެ. މުޅިއެކު ސަތޭކަ 172 ޙިއްޞާދާރުން ބައިވެރިވި މި ޖަލްސާގައި ޙިއްޞާއަކަށް 51 ރުފިޔާ ބެހުމަށް 942،610 ވޯޓު ލިބިފައިވެއެވެ. ނުފެންނަކަމަށް ލިބުނީ 5،410 ވޯޓެވެ.
ދަރުބާރުގޭގައި ބޭއްވި އެސްޓީއޯގެ ހުސްވި އަހަރުގެ އަހަރީ އާއްމުޖަލްސާގައި އެސްޓީއޯއިން ވަނީ އެކުންފުނީގެ ޙިއްޞާދާރުންނަށް ހާއްސަކޮށް އޮންލައިން ޕޯޓަލްއެއް ތައާރަފްކޮށްފައެވެ. މި އޮންލައިން ޕޯޓަލުގައި ޙިއްޞާދާރުންނަށް ބޭނުންވާނެ މުހިއްމު މައުލޫމާތުތައް ހިމަނާފައިވެއެވެ.
ސަރުކާރާއި ދިވެހި ރައްޔިތުން ޙިއްޞާވާ ކުންފުނި އެސްޓީއޯއަށް މިދިޔަ އަހަރު ސާފްފައިދާގެ ގޮތުގައި 288 މިލިއަނަށްވުރެ ގިނަ ރުފިޔާ ވަނީ ލިބިފައެވެ.
އެސްޓީއޯގެ ހުސްވިއަހަރުގެ ވިޔަފާރީގެ ފައިދާއިން ޙިއްސާއަކަށް 51 ރުފިޔާ ބެހުމަށް ނިންމާފައިވާއިރު، 2015 ވަނަ އަހަރު ޙިއްސާގެ ފައިދާގެ ގޮތުގައި ބަހާފައިވަނީ ޙިއްސާއަކަށް 57 ރުފިޔާއެވެ.